Kera kabaye u Bubiligi buzitabira Shampiyona y’Isi y’amagare mu Rwanda

Kera kabaye u Bubiligi buzitabira Shampiyona y’Isi y’amagare mu Rwanda

Umuyobozi wa Federasiyo y’Amagare mu Bubiligi, Sporza Nathalie Clauwaert, yahamirije ikinyamakuru directvelo ko iki gihugu cyisubiyeho ku cyemezo cyari cyafashe cyo kutitabira shampiyona y’Isi y’amagare izabera mu Rwanda mu kwezi kwa Cyenda uyu mwaka.

Nyuma y’aho u Rwanda ruhagarikiye umubano n’u Bubiligi tariki 17 Werurwe, iki gihugu cyahise gitangaza ko ikipe y’igihugu y’amagare itazitabira shampiyona y’Isi izabera mu Rwanda.

Nathalie Clauwaert, yavuze ko federasiyo y’amagare yasabye Guverinoma kwemerera ikipe y’amagare kuzitabira shampiyona y’Isi y’amagare mu Rwanda.

Yagize ati: “Minisitiri w’Ubuabnyi n’Amahanga nta gitekerezo gihakana yatanze ku Babiligi bashaka kujya i Kigali.”

Yakomeje avuga ko amakipe ya Federasiyo azaza mu Rwanda agiye gutangira kwitegura.

Ati: “Tugiye kujya mu Rwanda n’itsinda ry’abantu 60. Hoteli yarategujwe n’amatike y’indege nayo ni uko ariko tugomba kongera imbaraga bwikube kabiri by’umwihariko mu bijyanye n’ibikoresho.”

Bamwe mu bakinnyi b’Ikipe y’u Bubiligi bazitabira shampiyona y’Isi y’amagare izabera mu Rwanda 20-29 Nzeri 2025, barimo Victor Loulergue, Hugo Boucher, Théo Laurans n’ibindi bihangange bimenyereye shampiyona y’Isi y’Amagare.

Ikinyamakuru directvelo cyavuze ko u Bubiligi bwashinjaga u Rwanda gufata igice cy’ubutaka bwa Repubulika Iharanira Demokarasi ya Congo, RDC, no gushyigikira umutwe wa M23.

U Bubiligi ni bwo bwabaye kizigenza mu gusabira ibihano u Rwanda mu Muryango w’Ibihugu by’Ubumwe bw’i Burayi, EU, kuko ngo rufasha M23. Ibihano byafashwe mu kwezi kwa Werurwe uyu mwaka.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27