Utavuga rumwe n’ubutegetsi ashobora gutorerwa kuyobora Korea y’Epfo

Utavuga rumwe n’ubutegetsi ashobora gutorerwa kuyobora Korea y’Epfo

Ibyavuye mu matora by’agateganyo bigaragaza ko Lee Jae-myung, Umunyapolitiki wo mu ishyaka ritavuga rumwe n’ubutegetsi (Democratic Party),muri Koreya y’Epfo ashobora kwegukana insinzi y’Umukuru w’Igihugu n’amanota 47.81% mu gihe umukurikira bahanganye, Kim Moon-soo afite 43.99%.

Kuri uyu wa Kabiri tariki ya 03 Kamena, ni bwo icyo gihugu cyaramukiye mu matora  nyuma y’uko uwahoze ari  Perezida, Yoon Suk Yeol yegujwe muri Mata 2025, azira amategeko akaze ya gisirikare yashyizeho.

Ikinyamakuru BBC cyatangaje ko  Komisiyo y’Igihugu y’Amatora y’icyo gihugu yatangaje ibyavuye mu matora by’agateganyo bigaragaza ko Lee ari imbere ariko amajwi nyirizina biteganyijwe ko azatangazwa ku wa 04 Kamena 2025.

Lee Jae-myung mu kwiyamamaza kwe yagaragaje ko ashyigikiye politiki y’uburenganzira bwa muntu, ubwisanzure, no gukorana n’ibihugu by’amahanga hubakwa  amahoro. 

Amategeko y’uwahoze ari Perezida Yoon Suk Yeol yateje impagarara mu gihugu, bituma Inteko Ishinga Amategeko ishyiraho itegeko rimwirukana ku mirimo ye vuba na bwangu ndetse hagategurwa amatora byihuse.

Yoon Suk Yeol yashyizeho itegeko byavuzwe ko rigamije gucamo ibice abenegihugu mu kwezi k’Ukuboza 2024, bituma afatwa maze afungwa by’agateganyo ndetse nyuma aza kweguzwa bidasubirwaho.

Sangiza abandi iyi nkuru
Ibitekerezo 1
eric sabani

tora eg kira kintu cose ugomba gukura ntu tore oya kuko ubugiye guhemuka :imana ivugati mwame mugavye misiyo kuko utazi umusi nisaha azozirako

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27