Sherrie Silver yababajwe n’umwe mu bana yitaho ukorerwa ihohoterwa kuri murandasi

Sherrie Silver yababajwe n’umwe mu bana yitaho ukorerwa ihohoterwa kuri murandasi

Umubyinnyi mpuzamahanga akaba n’umuhanga mu guhanga imideli, Sherrie Silver, yababajwe n’ihohoterwa ryo kuri murandasi rikorerwa umwe mu bana babarizwa mu itsinda Sherrie Silver Foundation.

Uwo mwana avuga ko akiri muto kandi afite impano idasanzwe mu kuririmba, gusa ngo akunze kwibasirwa n’amagambo amusebya ku mbuga nkoranyambaga, aho bamwe bibanda cyane ku miterere y’amenyo ye.

Mu butumwa Sherrie Silver yasangije abamukurikira ku mbuga nkoranyambaga, yavuze ko bibabaje kubona umwana w’umuhanga, wiyemeje gukoresha impano ye mu guteza imbere abandi, ahora yibasirwa n’amagambo atesha agaciro ubuzima bwe, kuko nubwo bagerageza kubisiba ariko babirambiwe.

Yanditse ati “Umwe mu bana bacu bakunzwe cyane muri Sherrie Silver Foundation, ahora akorerwa ihohoterwa ryo kuri murandasi kubera amenyo ye. Turambiwe gusiba ayo magambo mabi buri gihe.”

Yongeraho ati: “Turimo gushaka umuganga wamenyo ufite ubushake bwo gufatanya natwe kumushakira igisubizo kirambye.”

Iryo hohoterwa rikunze gukorerwa ibyamamare ku buryo ku rwego mpuzamahanga ryabaye ikibazo gikomeye kandi kigenda cyiyongera, kuko imbuga nkoranyambaga zigira uruhare runini mu buzima bwabo.

Usanga akenshi abarikora bibanda cyane ku isura yabo, amenyo, uruhu, ibilo n’ibijyanye n’imyambarire, imyitwarire hamwe n’imibereho bwite nko gushyingirwa, urukundo, abana n’ibindi usanga bibangamira cyane ibyamamare.

Ibikorwa nk’ibya Sherrie Silver Foundation ni urugero rwiza rwo kwerekana uko urukundo n’ubufatanye bishobora guhindura ubuzima bw’umwana.

Sherrie Silver yatangiye gushaka umuganga w’amenyo uzafasha umwe mu bana afasha
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27