Mozambique: Inzego z’umutekano z’u Rwanda zateye inkunga abagore bibumbiye muri Koperative

Mozambique: Inzego z’umutekano z’u Rwanda zateye inkunga abagore bibumbiye muri Koperative

Inzego z’umutekano z’u Rwanda, RSF, muri Mozambique zateye inkunga Koperative igizwe n’abagore ‘Cooperativa Moda do Litoral’, aho yashyikirijwe imashini 10 zidoda n’ibikoresho byazo, zikazabafasha kwiteza imbere.

Iyi koperative isanzwe ikorera mu Karere ka Mocímboa da Praia mu Ntara ya Cabo Delgado. RSF itangaza ko iki gikorwa kigamije guha ubushobozi abagore mu rwego rwo guteza imbere ubumenyi no kugira icyo binjiza biturutse ku bikorwa bakora.  

Helena Bandeila wari uhagarariye ubuyobozi bw’Akarere ka Mocímboa da Praia yashimye inkunga yatanzwe n’inzego z’umutekano z’u Rwanda, ikaziha abaturage bo muri Cabo Delgado, agace kababaye cyane biturutse ku makimbirane yahahoze mbere yuko RSF ihagera mu kwezi kwa Nyakanga 2021.

Yagize ati: “Turashimira cyane uyu musanzu w’inzego z’umutekano z’u Rwanda. Urerekana umutima wabo w’ubufatanye atari umutekano gusa ahubwo no kongera kwiyubaka.

Izi mashini zizatuma abagore bacu bashobora gukora, batere imbere kandi bafashe n’imiryango yabo.”

Abagize koperative ‘Cooperativa Moda do Litoral’ bishimiye inkunga bahawe, bavuga ko zizabafasha kongera kwiyubaka mu gukora ubucuruzi aho batuye.

Iyi nkunga iri muri gahunda y’inzego z’umutekano z’u Rwanda mu gusabana n’abaturage no kwita ku mibereho y’abaturage.

Ni gahunda ishimangira ubushake RSF ikomeje guharanira umutekano w’abantu, ikuzuza inshingano zabo z’ibanze zo kugarura amahoro n’umutekano mu Ntara ya Cabo Delgado.

Amafoto: RDF

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27