Indahangarwa WFC yegukanye Igikombe cy’Amahoro itsinze Rayon Sports y’Abagore

Indahangarwa WFC yegukanye Igikombe cy’Amahoro itsinze Rayon Sports y’Abagore

Ikipe ya Indahangarwa WFC yegukanye Igikombe cy’Amahoro nyuma yo gutsinda Rayon Sports y’Abagore ibitego 4-2 ku mukino wa nyuma wakinwe kuri iki Cyumweru, tariki ya 4 Gicurasi 2025, kuri Stade Amahoro.

Gikundiro yatangiye umukino neza itsinda ibitego bibiri mu minota 30 ya mbere byinjijwe na Bizimana Rukia na Ukwikunda Jeannette Kuri Penaliti.

Indangahangarwa WFC zishyuye igitego kimwe cyatsinzwe na Umuhoza Belyse.

Igice cya mbere cyarangiye Rayon Sports yatsinze Indahangarwa ibitego 2-1.

Mu igice cya kabiri, Indahangarwa zagarukanye imbaraga zitangira gusatira izamu rya Rayon Sports ndetse ibona igitego cya kabiri cyo kwishyura cyatsinzwe na Mukarusangira Jeannette.

Niyonzima Olive yatsindiye indahagarwa igitego cya gatatu kuri penaliti mu gihe mu minota ya nyuma Umutesi Magnifique yatsinze igitego cya kane arobye umuzamu wa Rayon Sports.

Umukino warangiye Indahangarwa yatsinze Rayon Sports ibitego 4-2, yegukana Igikombe cy’Amahoro ku nshuro ya mbere, kiba n’igikombe cya mbere yegukanye kuva yashingwa mu 2009.

Iyi kipe yo mu Murenge wa Kabarondo, Akarere ka Kayonza ifite intego igira iti ‘Ubupfura-Gukotana-Intsinzi’, yasoje Umwaka w’Imikino wa 2024/25 muri Shampiyona y’icyiciro cya mbere mu bagore, iri ku mwanya wa kabiri, aho ikurikira Rayon Sports W FC yegukanye shampiyona.

Umwanya wa gatatu wegukanywe na Police WFC itsinze Kamonyi WFC Penaliti 4-3 nyuma yaho banganyije igitego 1-1 mu minota 120.

Rayon Sports yatangiye neza ariko ntiyakomezanya imbaraga
Indahangarwa WFC yakinnye neza igice cya kabiri
Abakinnyi 11 Indahangarwa WFC yabanje mu kibuga
Abakinnyi 11 Rayon Sports WFC yabanje mu kibuga
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27