Ross Kana yatandukanye na 1:55 AM

Ross Kana yatandukanye na 1:55 AM

Umuhanzi Ross Kana yatangaje ko amasezerano yari afitanye na sosiyete ya 1:55 AM yamurebereraga mu bijyanye n’umuziki yaseshwe

Yabitangaje abinyujije mu itangazo yasangije abamukurikira ku mbuga nkoranyambaga kuri uyu wa 03 Gicurasi 2025.

Yanditse ati: “Ndi hano mpamya gusesa amasezerano nari mfitanye na 1:55AM, byatewe n’uko kompanyi itashoboye kubahiriza ubufatanye bwari mu masezerano yasinywe ku wa 01 Ukuboza 2023, ibintu byandindije nk’umuhanzi kandi byatumye niyumva nk’uwatengushywe.”

Mbashimiye ku bufasha bwose bampaye igihe cyose twari tugifite imikoranire,ibi kandi bije nyuma y’uko hari andi mahirwe ndimo gushaka azamfasha gukora umuziki wanjye kinyamwuga ndetse bigahura n’intego zanjye nk’umuhanzi.

Ross Kana atangaje iby’iseswa ry’amasezerano yari afitanye n’iyo kompanyi nyuma y’iminsi hari amakuru atandukanye yagiye avugwa muri iyo nzu y’umuziki, byanatumye ubuyobozi bwayo bushyira ahagaragara itangazo riteguza amavugurura yagombaga kubaho, bukanatangaza ko umuhanzi uzifuza gusesa amasezerano azabifashwamo.

Imikoranire hagati ya Ross Kana na 1:55AM yari imaze imyaka hafi 2 kuko yatangiye mu 2023.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27