Koreya ya Ruguru: Abasirikare basaga 600 baguye mu ntambara ya Ukraine

Koreya ya Ruguru: Abasirikare basaga 600 baguye mu ntambara ya Ukraine

Abadepite ba Koreya ya Ruguru bavuze ko abasirikare basaga 4 700 bagiriye ibibazo mu ntambara y’u Burusiya buhanganyemo na Ukraine, muri bo abarenga 600 bakahagwa.

Nyuma y’ibiganiro byo mu muhezo kuri uyu wa Gatatu, Ikigo cya Koreya ya Ruguru gishinzwe ubutasi, (NIS) cyavuze ko kandi mu basirikare basaga 4700, muri bo 2 000 bakomeretse bikomeye basubijwe iwabo hagati ya Mutarama na Werurwe 2025.

Lee Seong-kweun na Kim Byung-kee bayoboye Komite y’ubutasi, ubwo bisobanuraga imbere y’Inteko Ishinga amategeko y’icyo gihugu bemeje iby’izo ngabo zaguye ku rugamba bituma Abadepite bemeza ko icyo gihugu gishyigikiye u Burusiya mu ntambara.

Raporo y’ikigo cy’igihugu cy’itangazamakuru, (KCNA) yo ku wa Mbere w’iki cyumweru yagaragaje ko Perezida wa Koreya ya Ruguru Kim Jong Un yavuze ko yategetse kohereza ingabo muri Ukraine no kubohoza agace ka Kursk ku bufatanye n’ingabo z’u Burusiya.

Koreya ya Ruguru yatangaje ko yohereje abasirikare bari hagati 10 000–12 000 mu Burusiya mu kwezi kwa Nzeri 2024, ndetse yohereje n’abandi 3 000 muri uyu mwaka wa 2025.

Ikinyamakuru AP News cyatangaje ko ubwo bufatanye bwatewe inkunga n’amasezerano impande zombi zagiranye mu by’igisirikare yashyizweho umukono na Perezida Vladimir Putin na Kim Jong Un muri Kamena 2024.

Uretse abasirikare Koreya ya Ruguru yohereje, yanabahaye abakozi 15 000 mu rwego rw’ubufatanye mu by’inganda, yanohereje ibikoresho birimo intwaro n’udushya tw’ikoranabuhanga mu bya gisirikare.

Ni mu gihe u Burusiya buha Koreya ya Ruguru intwaro, ibikoresho by’ikoranabuhanga mu bya gisirikare birimo drones, satellites n’ikoranabuhanga mu by’ubutasi.

Ubwo bufasha u Burusiya buha Koreya ya Ruguru bwatumye ifata ingamba zo kuvugurura mu bya gisirikare kugira ngo zirusheho kugira ubushobozi bwo guhangana n’ibibazo by’ubutasi ndetse n’ibitero by’indege.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27