U Bushinwa: Inkongi y’umuriro yishe 22 bari muri resitora

U Bushinwa: Inkongi y’umuriro yishe 22 bari muri resitora

Inkongi y’umuriro yibasiye resitora iri mu Mujyi wa Liaoyang, uherereye mu Majyaruguru y’Uburasirazuba bw’u Bushinwa, yahitanye abantu 22 ikomeretsa abandi 3.

Iyo nkongi yabaye kuri uyu wa Kabiri, Perezida w’icyo gihugu Xi Jinping yayise ‘isomo rikomeye’, ahita asaba abayozi gukora iperereza abayiteje bakabiryozwa ndetse asaba ko abakomeretse bitabwaho.

Umujyi wa Liaoyang usanzwe utuwe cyane ndetse amashusho yafashwe ‘CCTV’ yakwirakwijwe ku mbuga nkoranyambaga yerekanye umuriro ugurumana, umwotsi w’umukara uzamuka ari mwinshi no hanze haparitse amamodoka.

Umunyamabanga w’ishyaka riri ku butegetsi muri iyo Ntara Hao Peng, yavuze ko imodoka 22 z’ubutabazi n’abashinzwe kuzimya umuriro 85 bahise bahagera  kugira ngo batange ubufasha.

Nk’uko bishimangirwa n’Ibiro Ntaramakuru by’Abashinwa (Xinhua), iyo nkongi ibaye nyuma y’iheruka kwibasira amacumbi y’abageze mu zabukuru mu Ntara ya Hebei, yaguyemo abantu 20.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27