Kepler na APR VC zageze muri ⅛ cy’irushanwa Nyafurika

Kepler na APR VC zageze muri ⅛ cy’irushanwa Nyafurika

Kepler VC na APR VC zihagarariye u Rwanda mu irushanwa ry’amakipe yabaye aya mbere iwayo ku Mugabane wa Afurika, mu cyiciro cy’abagabo ya ‘CAVB Club Championship 2025’, yageze muri ⅛.

Mu ijoro ryo ku wa Kane, tariki ya 24 Mata 2025, ni bwo hakinwe imikino ya nyuma mu matsinda y’iri rushanwa riri kubera mu mujyi wa Misrata wo muri Libya.

Umukino wabanje gukinwa ni uwa Kepler VC na Wolaita VC biri mu itsinda C.

Ikipe ihagarariye u Rwanda yatsinze Wolaita VC yo muri Ethiopia amaseti 3-0 (25-19, 30-28, 34-32), ihita ikatisha itike ya 1/8 kuko yarangije imikino y’amatsinda iri ku mwanya wa kabiri.

Indi kipe ihagarariye u Rwanda ni APR VC iri mu Itsinda D, aho yatsinzwe na Al Nasser Sports Club yo muri Libya amaseti 3-1 (25–21, 20–25, 25–22, 25–22). Gutsindwa uyu mukino byayishyize ku mwanya wa gatatu ndetse ibona n’itike ya ⅛.

Imikino ya 1/8 izatangira ku wa Gatandatu, tariki ya 26 Mata, aho APR VC izakina na General Service Unit yo muri Kenya, mu gihe Kepler izakina na Volleyball Club Espoir yo muri Repubulika Iharanira Demokarasi ya Congo.

APR VC yatsinzwe na Al Nasser Sports Club (LBA) amaseti 3-1
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27