Jamie Vardy yasezeye Leicester City yari amazemo imyaka 13

Jamie Vardy yasezeye Leicester City yari amazemo imyaka 13

Rutahizamu Jamie Vardy muri Leicester City, yatangaje ko atazakomezanya na yo nyuma y’uyu mwaka w’imikino wa 2024/25. Uyu mukinnyi w’imyaka 38, yari amaze imyaka 13 muri iyi kipe.

Ku gicamunsi cyo kuri uyu wa Kane, tariki ya 24 Mata 2025, ni bwo uyu mukinnyi yanyujije ubutumwa ku mbuga nkoranyambaga ze, atangaza ko igihe cyo gusohoka muri iyi kipe kigeze.

Mu butumwa muri mu mashusho yageneye abakunzi be biganjemo abafana n’abo babanye muri Leicester City, yagaragaje ko imyaka 13 yari myiza kuri we ashimangira ko iyi kipe izamuhora ku mutima.

Ati’’ Ndumva nshenguwe n’uko uyu munsi uri hafi, ariko nari nziko uzaza igihe kimwe nagize imyaka 13 myiza muri iyi mu ikipe, n’abayeho mu bihe byiza n’ibihe bimwe by’ingorane, ariko byinshi ni ibyiza.”

Isezera rya Jamie Vardy muri Leicester City rije nyuma y’iminsi mike iyi kipe imanutse mu cyiciro cya kabiri ku nshuro ya kabiri mu myaka itatu.

Uyu mukinnyi w’imyaka 38 yageze muri Leicester City mu 2012 avuye muri Fleetwood Town, ayifasha kuzamuka mu cyiciro cya mbere mu 2014.

Uyu rutahizamu yakinniye Leicester City imikino 496 ayitsindira ibitego 143 muri Premier League. Uretse Harry Kane, Sergio Kun Agüero na Thierry Henry, ni bo bamurushije gutsindira amakipe yabo ibitego byinshi muri iyi Shampiyona.

Mu mwaka w’imikino wa 2019/20, Vardy yabaye umukinnyi wa mbere ukuze mu mateka ya Premier League watsize ibitego 23 ku myaka 33.

Yatwaranye na yo ibikombe bitandatu birimo Premier League, FA Cup, Community Shield n’ibikombe bibiri bya Championship yo mu cyiciro cya Kabiri mu Bwongereza.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27