Umuhanzi Patient Bizimana agiye gutaramira muri Canada

Umuhanzi Patient Bizimana agiye gutaramira muri Canada

Umuhanzi Patient Bizimana wamenyekanye mu ndirimbo zitandukanye zo kuramya no guhimbaza Imana, yageze muri Canada aho agiye gutegura igitaramo ngarukamwaka cya Pasika kizabera muri icyo gihugu.

Abinyujije ku mbuga nkoranyambaga ze, Bizimana yijeje abatuye muri Canada igitaramo bazafashwamo kuzukana na Yesu Kristo.

Yagize ati: “Ndashimana Imana cyane kuba ngeze mu gihugu cya Canada ku bw’igikorwa dufite kidasanzwe cya Easter Celebration, igitaramo cyo kwizihiza no izuka no gupfa ku mwami wacu Yesu Kristo.”

Avuga ko yizeye ko hari byinshi bizazuka kuri uwo munsi mu buzima bwa buri muntu kubera ko ngo azaba ari umugoroba udasanzwe.

Igitaramo kizabera muri Canada, Patient Bizimana azafatanya n’abahanzi bamamaye mu ndirimbo ziramya zikanahimbaza Imana, harimo Serge Iyamuremye ndetse na Aimé Frank.

Biteganyijwe ko igitaramo cya Pasika kizabanzirizwa n’ikizaba tariki 19 Mata i Montreal, hanyuma tariki 20 ataramire i Ottawa muri Easter Celebration.

Umuhanzi Patient Bizimana yamenyekanye mu ndirimbo ‘Ubwo Buntu, Nongeye Ndaje, Menye Neza, Amagambo Yanjye, Ndanyuzwe’ n’izindi.

Bizimana Patient akigera Canada yakiriwe n’abarimo gutegura igitaramo ‘Easter Celebration’

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27