Ruhango: Hafashwe 3 bakekwaho urupfu rw’uwasanzwe mu gishanga warindaga ibisheke

Ruhango: Hafashwe 3 bakekwaho urupfu rw’uwasanzwe mu gishanga warindaga ibisheke

Habinshuti Protogene w’imyaka 42 wari usanzwe arinda umurima w’ibisheke yasanzwe mu gishanga cya Bidogo giherereye mu Kagali ka Kinazi mu Murenge wa Kinazi yitabye Imana none ku wa 9 Mata 1994 bikekwa ko yishwe.

Umwe mu batuye mu Kagali ka Kinazi avuga ko Habinshuti bamubonye yitabye Imana gusa avuga ko bakeka ko yishwe.

Ati: “Umva nta byinshi mvuga gusa turakeka ko Habinshuti wari usanzwe arinda ibisheke yishwe kuko twamubonye yamaze gupfa.”

Umuvugizi wa Polisi mu Ntara y’Amajyepfo SP Emmanuel Habiyaremye avuga ko kuri ubu hamaze gufatwa abantu batatu bakekwaho urupfu rwa Habinshuti Protogene.

Ati: ” Ni byo mu Karere ka Ruhango, Umurenge wa

Kinazi, mu Kagali ka Kinazi mu Mudugudu wa

Gasiza Habinshuti Protogene w’imyaka 42 yasanzwe mu gishanga cya Bidogo yitabye Imana harakekwa ko yaba yishwe.

Polisi yafashe abagabo 3  bakekwaho kugira uruhare mu rupfu rwe  ubu  bafungiye kuri Sitasiyo ya Polisi ya Kinazi naho umurambo watwawe ku bitaro bya kinazi gusuzumwa iperereza rirakomeje.”

SP Emmanuel Habiyaremye avuga ko Ubutumwa polisi itanga ari uko itazihanganira uwo ari we wese wumva ko yavutsa mugenzi we ubuzima, kuko agomba gufatwa akabibazwa uko amategeko abiteganya.

Ikindi ni uko  Abaturage basabwa gutanga amakuru ku miryango yaba ifitanye amakimbirane kugira ngo hakumirwe icyaha icyo ari cyo cyose cyaturuka kuri ayo makimbirane.

Habinshuti Protogene yasanzwe mu gishanga aho yarindaga ibisheke yapfuye bikekwa ko yishwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27