Rwaka Claude yagizwe umutoza wungirije wa Rayon Sports y’abagabo

Rwaka Claude yagizwe umutoza wungirije wa Rayon Sports y’abagabo

Rwaka Claude watozaga Rayon Sports y’abagore, yagizwe umutoza wungirije wa Rayon Sports y’abagabo kugira ngo afashe iyi kipe mu rugamba rwo kwegukana Shampiyona n’Igikombe cy’Amahoro.

Rayon Sports y’abagabo yari imaze ukwezi idafite umutoza wungirije nyuma y’uko Umunya-Tunisia, Quanane Sellami, yasezeye mu ntangiriro za Werurwe kubera ko Rayon Sports itubahirije ibyo impande zombi zari zumvikanye.

Biteganyijwe ko ku gicamunsi cyo kuri uyu wa Kabiri yitabira imyitozo

Rwaka yaherukaga gufasha Rayon Sports WFC kwegukana Igikombe cya Shampiyona ya 2024/25 n’Igikombe cy’Intwari, mu gihe kandi yayigejeje muri 1/2 cy’Igikombe cy’Amahoro.

Si ubwa mbere agiye kuba umutoza wungirije wa Rayon Sports y’Abagabo kuko yabikoze mu mwaka w’imikino wa 2022/23 ubwo yari yungirije Haringingo Francis bafatanyije kwegukana Igikombe cy’Amahoro.

Kugeza ubu Gikundiro, iyoboye Shampiyona n’amanota 46, izasubira mu kibuga ku wa Gatandatu, tariki ya 5 Mata 2025, aho izakirwa na Marine FC mu mukino w’umunsi wa 23 wa Shampiyona.

Rwaka Claude yagizwe umutoza wungirije wa Rayon Sports kugeza umwaka w’im’kino wa 2024-2025 uragiye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27