Volleyball: Amakipe ya Police yasanze aya APR ku mukino wa nyuma wa Playoffs (Amafoto)

Volleyball: Amakipe ya Police yasanze aya APR ku mukino wa nyuma wa Playoffs (Amafoto)

Amakipe ya Police VC mu bagabo na Police WVC mu bagore yageze ku mukino wa nyuma wa kamarampaka muri Shampiyona y’icyiciro cya mbere muri Volleyball, nyuma yo gutsinda umukino wa kabiri muri 1/2.

Ku mugoroba wo Kuri uyu wa Gatandatu, tariki ya 22 Werurwe 2025, ni bwo hakinwe imikino ibiri muri 1/2 yabereye kuri Petit Stade i Remera.

Mbere yo gutangiza imikino hafashwe umunota wo guha icyubahiro umunyamakuru Jean Lambert Gatare witabye Imana kuri uyu wa Gatandatu.

Mu mukino wabanje, Ikipe ya Police y’Abagore yongeye gushimangira ko irusha Kepler WVC, iyitsinda umukino wa kabiri amaseti 3-0 (22-25, 22-25, 16-25)

Police WVC yasezereye Kepler WVC

Iyi ntsinzi yari ihagije ngo abakobwa ba Police bagere ku mukino wa nyuma, dore ko bari batsinze umukino wa mbere ku maseti 3-0 mu cyumweru gishize.

Ku mukino wa nyuma bazahura na APR WVC na yo yasezereye Rwanda Revenue Authority iyitsinze imikino 2-0.

Umukino wakurikiyeho ni uw’abagabo, aho abakunzi ba Volleyball bari bategereje kureba niba REG VC yahindura ibintu, yo na Police VC zikazakiranurwa n’umukino wa gatatu.

Si ko byagenze kuko Police VC yabonye intsinzi ya kabiri kuri REG VC nyuma yo kuyitsinda amaseti 3-1 (25-22, 26-24, 23-25, 25-22).

Ku mukino wa nyuma Police VC izahangana na APR VC yasezereye Kepler VC.

Biteganyijwe ko imikino ya nyuma n’iyo guhatanira umwanya wa gatatu izaba muri Gicurasi.

Police VC izisobanura na APR VC ku mukino wa nyuma wa Playoffs
Police WVC yasanze APR WVC ku mukino wa nyuma wa kamarampaka
Police VC yasezereye REG VC muri Kamarampaka
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27