Bizimana Djihad ntazagaragara ku mukino wa Lesotho

Bizimana Djihad ntazagaragara ku mukino wa Lesotho

Kapiteni w’Ikipe y’Igihugu ‘Amavubi’, Bizimana Djihad, ntazagaragara mu mukino w’umunsi wa gatandatu u Rwanda ruzakiramo Lesotho mu gushaka itike y’igikombe cy’Isi cya 2026, nyuma yo kuzuza amakarita abiri y’umuhondo.

Uyu mukino uteganyijwe ku wa Kabiri, tariki ya 25 Werurwe 2025, saa kumi n’ebyiri z’umugoroba kuri Stade Amahoro.

Itegeko rya FIFA rivuga ko “umukinnyi ubonye amakarita abiri y’umuhondo mu mukino ibiri itandukanye mu irushanwa rimwe agomba gusiba umukino ukurikiyeho.

Mu mukino u Rwanda rwatsinzwe na Nigeria ibitego 2-0 ku wa Gatanu, Kapiteni Djihad Bizimana yabonyemo ikarita y’umuhondo ku munota 46 ku ikosa yari akoreye Victor Osihmen.

Iyo karita y’umuhondo yahawe yasanze indi yabonye mu mukino u Rwanda rwatsinzemo Lesotho igitego 1-0 muri Kamena 2024.

Kuzuza amakarita abiri y’umuhondo yikurikiranya byatumye Djihad Bizimana atazakina umukino wa Lesotho.

Kugeza ubu itsinda C riyobowe na Afurika y’Epfo n’amanota 10, ikurikiwe na Benin n’amanota umunani, u Rwanda ni urwa gatatu n’amanota arindwi, Nigeria ni iya kane n’amanota atandatu, Lesotho ni iya gatanu n’amanota atanu mu gihe Zimbabwe ari iya nyuma n’amanota atatu.

Bizimana Djihad, ntazagaragara ku mukino wa Lesotho, nyuma yo kuzuza amakarita abiri y’umuhondo

Amafoto Olivier TUYISENGE

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27