Imbamutima za Manishimwe Djabel wongeye guhamagarwa mu Ikipe y’Igihugu Amavubi

Imbamutima za Manishimwe Djabel wongeye guhamagarwa mu Ikipe y’Igihugu Amavubi

Djabel Manishimwe ukina mu kibuga asatira, yagaragaje imbamutima ze nyuma yo kongera guhamagarwa mu Ikipe y’Igihugu ‘Amavubi’ nyuma y’umwaka umwe n’igice.

Ubwo Adel Amrouche yahamagaraga abakinnyi azifashisha mu mikino ibiri ya Nigeria na Lesotho mu gushaka itike y’igikombe cy’isi cya 2026, hagaragayemo Manishimwe Djabel ukinira Naft Al-Wasat Sports Club yo mu cyiciro cya kabiri muri Iraq.

Aganira n’urubuga rwa YouTube rw’ishyirahamwe ry’umupira w’amaguru mu Rwanda (FERWAFA) Djabel yavuze ko yishimiye kongera kugaruka mu mavubi. 

Ati:  “Muri rusange n’ibintu byashimishije, umukinnyi uwa ari we wese abayifuza kuba yahagararira igihugu cye mu marushanwa mpuzamahanga. Kugaruka mu ikipe y’igihugu n’ibintu nakiriye neza muri rusange’’

Abajijwe uko yasanze bagenzi be nyuma y’umwaka n’igice adahamagarwa Djabel yavuze ko kuri iyi nshuro yishimira ko abakinnyi bose bashyize hamwe bitandakanye n’igihe yaherukaga mu Mavubi.

Ati: “Ubwo naherukaga abakinnyi benshi baracyahari nubwo hari n’abandi biyongereyemo ariko hari ikintu cyiza baremye ndi kubona basigaye barabaye umuryango n’icyo kintu mbona cyahindutse mu bakinnyi’. 

Djabel w’imyaka 27 yashimangiye ko yiteguye gufasha bagenzi be kwitwara neza mu mikino ibiri ikomeye bagiye gukina.

Ati: “Ni yo mpamvu umutoza yampamagaye niduhuriza hamwe na bangenzi banjye hari byinshi dushobora kugeraho muri iyi mikino ibiri.”

Djabel Manishimwe na bagenzi be bakomeje imyitozo yitegura umukino wa Nigiera, uteganyijwe ku wa Gatanu tariki ya 21 Werurwe 2025, saa kumi n’ebyiri z’umugoroba kuri Stade Amahoro.

U Rwanda ruyoboye itsinda C ryo gushaka itike y’Igikombe cy’Isi n’amanota arindwi mu gihe Nigeria ifite amanota atatu yakuye mu mikino itatu yanganyije.

Manishimwe Djabel yavuze ko yashyimiye kongera guhamagarwa mu Mavubi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27