Macedonia: Abantu  59 bishwe n’inkongi  yibasiye akabyiniro

Macedonia: Abantu  59 bishwe n’inkongi  yibasiye akabyiniro

Abantu 59 ni bo bari kubarurwa ko bapfuye abandi barenga 150 bakomeretswa n’inkongi y’umuriro yibasiye akabyiniro ka ‘Pulse’ kari i Kocani mu bilometero 100 uvuye mu Murwa Mukuru Skopje muri Repubulika ya Macedonia y’Amajyaruguru.

Kuri iki Cyumweru, Minisitiri w’Ubutegetsi bw’Igihugu Panche Toshkovski, yavuze ko nibura 59 ari bo babaruwe ko bapfuye mu gihe hatanzwe impapuro zo guta muri yombi bane  bakekwaho kuba ba nyirabayazana b’iyo nkongi.

Akabyiniro ka  Pulse kahiye mu ijoro ubwo abantu bari bizihiwe mu gitaramo cy’itsinda ‘DNK’ ryari ku rubyiniro ribasusurutsa.

Amashusho yakwirakwiriye yerekanye abantu batangira kurasa ibishashi ku rubyiniro bijya bikoreshwa mu gihe cy’ibitaramo bikimara kuba byinshi byadukira igisenge bitewe n’uko cyari cyubatse mu buryo bworoshye umwotsi wuzura hose ndetse hatangira gushya.

Ikinyamakuru Sloboden Pecat cyo muri iki gihugu cyatangaje ko Guverinoma iteganya gushyiraho icyunamo cy’iminsi irindwi cyo kuzirikana abahasize ubuzima ndetse hagakorwa ubugenzuzi ku nzu zose zikorerwamo ibirori na za resitora.

Minisitiri w’Intebe Hristijan Mickoski, yanditse ku rubuga rwa Facebook  ko ari inkuru ibabaje ku gihugu, imiryango n’inshuti, kuba ubuzima bw’urubyiruko bwahatikiriye.

Nubwo ngo bikigoye  kumenya umwirondoro w’abahasize ubuzima, Hristijan yahamagariye inzego zose zirimo iz’ubuzima gufasha abakomeretse ndetse hagafatwa ingamba zo gufasha imiryango y’abagize ibyago.

Abantu 59 bapfuye bahiriye mu kabyiniro muri Repubulika y’Amajyaruguru ya Mecadonia
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27