Handball: U Rwanda rwegukanye umwanya wa 3 muri ‘Inter-Continental Trophy’

Handball: U Rwanda rwegukanye umwanya wa 3 muri ‘Inter-Continental Trophy’

Ikipe y’u Rwanda y’Abatarengeje imyaka 21 mu mukino wa Handball, yegukanye umwanya wa gatatu mu irushanwa rya IHFTrophy/ Intercontinental phase”, nyuma yo gutsinda Bulgaria ibitego 48-31.

Uyu mukino wabaye kuri iki cyumweru tariki ya 16 Werurwe 2025, muri ‘Palace of Youth and Sports’ i Prisitina muri Kosovo aho iri rushanwa rihuza imigabane ryari rimaze iminsi ribera.

Amakipe yombi yagiye gukina yarasezerewe muri 1/2 aho u Rwanda rwasezerewe na Leta Zunze Ubumwe za Amerika (USA) mu gihe Bulgaria yasezerewe na Uzbekistan.

Ni umukino utari woroshye na gato kuko u Rwanda rwagerageje gutsinda amanota menshi mu ntangiriro ndetse no gukomeza kuyobora umukino, byatumye igice cya mbere kirangira rufite ibitego 21-18.

U Rwanda rwari ruhagarariye Afurika rwakomeje kongera ikinyuranyo kugeza rubonye intsinzi y’ibitego 48-31 rwegukana Umudali w’Umuringa muri IHF Trophy/Intercontinental phase. 

Yves Kayijamahe w’u Rwanda, ni we wahawe igihembo cy’umukinnyi mwiza w’umukino nyuma gufasha ikipe ye gutsinda ibitego byinshi. 

Yabaye Umunyarwanda wa gatatu wabonye iki gihembo nyuma ya Uwayezu Arsène na Kwisanga Peter.

Umukino wa nyuma muri iri rushanwa ukaba ugomba guhuza Uzbekistan na Leta Zunze Ubumwe za Amerika.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27