Pakistan: Abitwaje intwaro bagabye igitero kuri gari ya moshi  abarenga ijana barashimutwa

Pakistan: Abitwaje intwaro bagabye igitero kuri gari ya moshi  abarenga ijana barashimutwa

Abantu bitwaje intwaro bagabye igitero kuri gari ya moshi yari igeze i Balochistan muri Pakistan, itwaye abagenzi barenga 400, abarenga ijana barashimutwa abandi 17 barakomereka mu gihe abandi batabawe nkuko byatangirijwe n’ikinyamakuru BBC.

Icyo gitero  byatangajwe ko cyagabwe n’abarwanyi  ba  Baloch Liberation Army, (BLA) aho barashe gari ya moshi yavaga i Quetta yerekeza i Peshawar, ndetse abo barwanyi bigambye ko babanje kurasa ibisasu mbere yo kugira abo bashimuta.

Kuri uyu wa Gatatu, ibitangazamakuru byo muri icyo gihugu byatangaje ko byibuze abarwanyi 16 bishwe naho abagenzi 104 bararokorwa.

Mu barokowe harimo abagenzi 17 bakomeretse aho bajyanwe mu bitaro ngo bitabweho.

Gusa hari andi makuru avuga ko abarwanyi bigambye ko bazica abo bafashe bugwate mu gihe abayobozi muri icyo gihugu baba batarekuye mu masaha 48 gusa  abanyepolitiki ba Baloch bafunze.

Ku wa Kabiri, iryo tsinda ryaburiye ko hashobora kuba ingaruka zikomeye mu gihe haba hagize abashaka gutabara abafashwe bugwate.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27