Santarafurika: Ingabo z’u Rwanda zifatanyije n’abaturage mu muganda 

Santarafurika: Ingabo z’u Rwanda zifatanyije n’abaturage mu muganda 

Ingabo z’u Rwanda zoherejwe mu butumwa bw’Umuryango w’Abibumbye bwo kubungabunga amahoro muri Repubulika ya Santarafurika (MINUSCA) bifatanyije n’abaturage n’abayobozi mu Muganda rusange. 

Abayobozi bitabiriye bari barangajwe imbere na Minisitiri w’Igenamigambi, Ubukungu n’Ubutwererane Mpuzamahanga Dr. Filakota, wari Umushyitsi Mukuru muri uwo Muganda wabereye ku Isangano (Rond Point) rya Malabena mu Mujyi wa Bangui. 

Abitabiriye Umuganda basukuye umuhanda uva ku isangano rya Malabena bagera ku Biro bya 5 bya Arrondissement, aho basukuraga cyane cyane inkengero z’umuhanda n’imiyoboro y’amazi. 

Umuyobozi wa Batayo y’Ingabo z’u Rwanda (RWABATT-1) Lt Col Alphonse Kigenza, yashimangiye ko icyo gikorwa cyari kigamije gushishikariza abaturage n’abayobozi gukorera hamwe nk’umuryango, kwimakaza umuco w’isuku n’isukura, bikajyana no gushyigikira ubufatanye hagati y’abayobozi n’abo bayobora. 

Umuyobozi w’Umujyi wa Bangui Clip Alain Yemo, yashimiye Ingabo z’u Rwanda zoherejwe mu butumwa bw’amahoro muri icyo gihugu kuba zikomeje kubashyigikira no kudatezuka kuri gahunda yo kwimakaza Umuganda ari na ko bababungabungira umutekano. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27