Trump yaburiye bwa nyuma Hamas ngo irekure Abisiraheli yafashe bugwate

Trump yaburiye bwa nyuma Hamas ngo irekure Abisiraheli yafashe bugwate

Perezida wa Leta zunze ubumwe za Amerika, Donald Trump yaburiye Hamas bwa nyuma ayibwira ko igomba  kurekura Abisiraheli bafashwe bugwate mu ntambara yabahuje na Isiraheli bafungiwe muri Gaza.

Mu nyandiko ndede Trump yanyujije kuri Truth Social yabwiye Hamas ko itazigera igira umutekano mu gihe idakoze ibyo ayitegetse kandi agiye guha Isiraheli buri kimwe gikenewe kugira ngo ibyo birangire.

Ikinyamakuru BBC cyatangaje ko Hamas iri gushinja Perezida Trump gushishikariza Isiraheli guhagarika amasezerano agamije agahenge no gukomeza kwerekana ko adashaka amahoro.

Umuvugizi w’umutwe wa Hamas, Hazem Qassem, yavuze ko ibikorwa bya Trump bizatuma amasezerano y’agahenge adindira agatuma Isiraheli yugurura amarembo yo kutayashyira mu bikorwa.

Trump atangaje ibyo hashize amasaha make ibiro bye ‘White House’ byemeje ko yavuganye na Hamas ku irekurwa ry’abafashwe bugwate basigaye.

Abinyujije ku rubuga rwe Trump yavuze ko hazabaho ukuzimu mu gihe imfungwa zitarekuwe, ariko ntiyagaragaje neza ubufasha n’imikoranire azagirana na Isiraheli.

Yagize ati: “Murekure izo mfungwa bidatinze ndetse mugarure vuba na bwangu imirambo y’abo mwishe cyangwa bibarangirireho. Ku bayobozi ni igihe cyo kuva muri Gaza mugifite amahirwe.”

Yongeyeho ati: “Abanya Gaza ahazaza heza harabategereje mu gihe mwarekuye izo ngwate ariko nimutabikora murapfuye.”

Si ubwa mbere Trump akangisha Hamas kurimbura Gaza kuko mu Ukuboza 2024, yavuze ko igihe abafashwe bugwate batarekuwe byaba ibibazo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27