Umutoza wa Lyon yahagaritswe amezi icyenda kubera gushaka guhana umusifuzi

Umutoza wa Lyon yahagaritswe amezi icyenda kubera gushaka guhana umusifuzi

Umunya Portugal Paulo Fonseca utoza ikipe ya Olympique Lyon yo mu cyiciro cya mbere mu Bufaransa yahagaritswe amezi icyenda adatoza kubera gushaka guhana umusifuzi nyuma yo kutishimira icyemezo yafashe.

Ibi byabaye ku wa 2 Werurwe 2025 mu mukino w’umunsi wa 24 wa Shampiyona y’u Bufaransa Olympique Lyonnais yatsinzemo Brest ibitego 2-1 aho VAR yanze gutanga Penaliti kuri Brest.

Gusa mbere y’uko afata icyemezo Umusifuzi yahaye Fonseca ikarita itukura asohorwa mu kibuga nyuma yo gushaka gukubita umusifuzi bitewe no kutishimira ibyemezo bye.

Ku mugoroba wo ku wa Gatatu tariki ya 5 Werurwe 2025, ni bwo akanama gashizwe imyitwarire muri Shampiyona y’u Bufaransa katangaje icyemezo cyo guhagarika uyu mutoza amezi icyenda.

Muri Ibi bihano yahawe ntiyemerewe kugera mu rwambariro no gukora imirimo iyo ari yo yose mbere cyangwa nyuma y’imikino kugeza ku ya 30 Ugushyingo.

Ibi bihano ntibigira ingaruka Kuri Lyon ifitanye umukino wa 1/8 muri UEFA Europa League na Steaua Bucharest mu ijoro ryo kuri uyu wa Kane.

Fonseca w’imyaka 52 asazwe ari umutoza mukuru wa Lyon kuva ku itariki ya 31 Mutarama 2025 nyuma yo kwirukanwa muri AC Milan yo mu Butaliyani mu Ukuboza 2024.

Paulo Fonseca yahagaritswe amezi icyenda kubera gushaka guhana umusifuzi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27