Tuniziya: Abantu 8 bakatiwe urwo gupfa bazira urupfu rwa Mohamed Brahmi

Tuniziya: Abantu 8 bakatiwe urwo gupfa bazira urupfu rwa Mohamed Brahmi

Urukiko rwa Tuniziya rwakatiye igihano cy’urwo gupfa   abantu umunani bazira kwihisha inyuma y’urupfu rw’umuyobozi w’ishyaka People’s Movement, Mohamed Brahmi utaravugaga rumwe n’ubutegetsi wishwe mu mwaka wa 2013.

Mu byaha bashinjwa harimo gushaka guhindura imiterere ya Leta no kugaba ibitero byitwaje intwaro.

Batatu muri bo bakaba bakatiwe urwo gupfa bazira kugira uruhare mu bwicanyi kandi nkana.

Ikinyamakuru VOA cyatangaje ko imyanzuro y’urukiko yafashwe ku wa 25 Gashyantare 2025, kandi   hari na raporo igaragaza ko hari abandi bakatiwe igifungo cy’imyaka itanu bazira “kutamenyesha abayobozi ibyaha by’iterabwoba.”

Tuniziya ni kimwe mu bihugu bigitanga igihano cy’urupfu ku byaha by’umwihariko nk’iterabwoba.

Urupfu rwa Mohamed Brahmi rwateje impagarara muri Tuniziya mu mwaka wa 2013, ndetse Abanyatuniziya benshi batavuga rumwe n’ubutegetsi barigaragambije basaba ko Guverinoma yariho yava ku butegetsi kubera  uruhare mu rupfu rw’uwari umuyobozi mu ishyaka ritavuga rumwe ryari riyobowe n’uwo mugabo.

Umuryango wa Brahmi n’abashyigikiye Chokri Belaid, undi munyapolitiki utaravugaga rumwe na Leta nawe waje kwicwa muri Gashyantare 2013, bari mu bari bayoboye iyo myigaragambyo ariko baza gukumirwa na polisi.

Abigaragambyaga bazunguzaga amabendera ya Tuniziya n’amashusho ya Mohamed Brahmi bashinja ishyaka rya ‘Ennahda’ kwica abatavuga rumwe n’ubutegetsi.

Urupfu rwa Mohamed Brahmi rwateje impagarara mu batavuga rumwe n’ubutegetsi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27