Koreya ya Ruguru: Biden amaze kuva i Seoul, Pyongyang yongeye kurasa misile

Koreya ya Ruguru: Biden amaze kuva i Seoul, Pyongyang yongeye kurasa misile
I Seoul abagenzi bareba misile yarashwe na Pyongyang, ku wa Kane ku ya 24 Werurwe 2022

Koreya ya Ruguru yari itegereje ko Joe Biden ava mu Karere kugira ngo isubukure igeragezwa rya misile za ballistique. Pyongyang igaragaza ko yifuza gukomeza umuvuduko w’igeragezwa rya misile kuva umwaka watangira.

Nyuma y’amasaha make Joe Biden asubiye muri Amerika, Koreya ya Ruguru yakiriye mu buryo bwayo kugenda kwa Perezida w’Amerika mu karere. Ibisasu bitatu byarashwe mu gitondo cyo kuri uyu wa Gatatu byerekeza ku nyanja y’u Buyapani (Inyanja y’Iburasirazuba nk’uko Abanyakoreya y’Epfo babyita). Akaba ari ubushotoranyi bukomeye kuri Amerika.

Mu mpera z’iki cyumweru Joe Biden yavuze ku butumwa bwe yagejeje kuri Kim Jong-un ko ari “uraho”, Umuyobozi wa Koreya ya Ruguru yamusubirishije kurasa misile.

Mu nama yo ku wa Gatandatu hagati ya Yoon Suk-yeol na Joe Biden, Abaperezida bombi batangaje ko bongereye imyitozo ya gisirikare kandi bongera gushimangira ubushake bw’Abanyamerika bwo kurengera igihugu cya Koreya yepfo mu buryo bwose bukenewe.

Iyi myiyerekano y’ingufu ya 17 ibaye kuva uyu umwaka watangira yemerera Koreya ya Ruguru kohereza ubutumwa i Seoul n’i Washington bidahuye n’ingaruka z’igeragezwa rya misile mu gihe Joe Biden yari mu Karere.

Hasigaye kureba niba Pyongyang hari icyo izakora kuri ubwo bushotoranyi. Ku wa Kabiri, igisirikare cya Koreya y’Epfo cyatangaje ko Koreya ya Ruguru yarangije kwitegura ikizaba ari igeragezwa rya mbere ry’intwaro za kirimbuzi kuva mu 2017.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27