Rayon Sport yabujijwe gukorera imyitozo mu Nzove kubera kudahuza na SKOL 

Rayon Sport yabujijwe gukorera imyitozo mu Nzove kubera kudahuza na SKOL 

Uruganda rwa SKOL rwafunze ikibuga cy’imyitozo cyo mu Nzove kubera kudahuza na Rayon Sports ishinja kwica amasezerano.

Kuri uyu wa Gatatu tariki ya 19 Gashyantare 2025, ni bwo SKOL yandikiye ubuyobozi bwa Rayon Sports ibumenyesha ko yabaye ifunze ikibuga cy’imyitozo, kubera ibyo itari kwemeranya n’ubuyobozi bw’iyi kipe ishinja kwica nkana amasezerano y’imikoranire.

Amakuru avuga ko uru ruganda rushinja Rayon Sports kugirana amasezerano n’undi mufatanyabikorwa mushya w’imikino y’amahirwe ibintu bitashimishije uru ruganda.

Ibi byagize ingaruka ku ikipe y’Abakobwa yagombaga gukora imyitozo mu gitondo, n’ikipe y’abagabo yitegura umukino w’Amagaju uteganyijwe ku wa Gatandatu tariki ya 22 Gashyantare 2025, kuri Stade Huye.

SKOL isanzwe ari umuterankunga mukuru wa Rayon Sports kuva mu 2014, aho amasezerano y’impande zombi yagiye avugururwa buri myaka itatu.

Aheruka ni mu 2022, aho impande zombi zasinye amasezerano mashya y’arenga miliyari 1 Frw, azarangira mu 2026.

Rayon Sports y’abagabo ntiyakoreye imyitozo mu nzove ku gicamunsi cyo kuri uyu wa Gatatu
Rayon Sports y’abagore nayo ntiyakoreye imyitozo mu Nzove
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27