Kamonyi: Gen Mubarakh yasoje amasomo y’abasirikare bakuru n’abato

Kamonyi: Gen Mubarakh yasoje amasomo y’abasirikare bakuru n’abato

Umugaba Mukuru w’Ingabo z’u Rwanda (RDF), Gen. Muganga Mubarakh, yayoboye umuhango wo gusoza amahugurwa y’abayobozi bo ku rwego rw’ubuyobozi bw’icyiciro cyo hagati (middle-level commanders) ndetse n’abasirikare bato (staff seminar). 

Ni umuhango wabereye ku Kigo cy’amahugurwa cya RDF cya Gacurabwenge giherereye mu Karere ka Kamonyi, kuri uyu wa Kane tariki ya 13 Gashyantare 2025.

Gen. Muganga Mubarakh yashimangiye akamaro ko kongerera RDF ubushobozi kugira ngo izabashe gukumira no guhangana n’ibibazo byaduka by’umutekano. 

Yagize ati: “RDF igomba gukomeza kongera ubushobozi bwayo kugira ngo ihore yiteguye kandi ibashe guhangana n’ibibazo bishobora kuvuka. Ibi bigomba kwibanda ku kugira ingabo zitojwe neza, zifite ubuyobozi bwiza, no gutsura umubano hagati y’igisirikare n’abasivili.”

Brigadier General Jean Chrysostome Ngendahimana, Umuyobozi wungirije w’ishuri rya gisirikare, RDF Command and Staff College, yashimye umuhate wa RDF mu gukomeza kongera ubushobozi bwo gukora neza no kwimakaza indangagaciro mu ngabo.

Kuva  mu Ugushyingo 2020, Ikigo cy’amahugurwa cya RDF cya Gacurabwenge cyafungurwa, cyagize uruhare rukomeye mu gutanga amahugurwa ku bayobozi b’ingabo ku rwego rwo hagati, kibafasha kubona ubumenyi ngombwa mu bya gisirikare.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27