Cassa Mbungo André yagizwe Umutoza w’Amavubi y’Abagore

Cassa Mbungo André yagizwe Umutoza w’Amavubi y’Abagore

Cassa Mbungo André yagizwe Umutoza w’Amavubi y’Abagore, yitegura imikino ibiri afitanye na Misiri mu gushaka itike y’Igikombe cya Afurika cya 2025.

Ku mugoroba wo kuri uyu wa Mbere tariki ya 10 Gashyantare 2025 ni bwo Ishyirahamwe ry’Umupira w’Amaguru FERWAFA, ryatangaje ko Cassa Mbungo André yagizwe Umutoza w’Amavubi y’Abagore, aho azungirizwa na Mukamusonera Théogenie nk’umutoza wa mbere mu gihe Munyana Séraphine ari umutoza wa kabiri wungirije.

Mu mpera za Mutarama 2025 ni bwo Cassa yatandukanye na Jamus FC yo mu cyiciro cya mbere muri Sudani y’Epfo yari amazemo amezi atandatu.

Kuri uyu wa Mbere Amavubi y’Abagore yatangiye imyitozo yitegura imikino ibiri afitanye na Misiri, aho umukino ubanza uzakinwa tariki ya 21 Gashyantare i Kigali, mu gihe uwo kwishyura uteganyijwe kuzabera mu Misiri tariki 25 Gashyantare 2025.

Cassa Mbungo ni umwe mu batoza barambye mu mwuga wo gutoza guhera mu 1998, yaciye mu makipe atandukanye arimo AS Kigali, Kiyovu Sports, Police FC, Rayon Sports, Gasogi United n’ayo hanze nka AFC Leopards na Bandari FC zo muri Kenya n’Ikipe y’Igihugu Amavubi.

Amavubi y’Abagore yiteguye imikino ya Misiri
Imyitozo iri kubera kuri Kigali Pelé Stadium
Cassa Mbungo asanze Abakinnyi barahamagawe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27