Imyambarire y’umugore wa Kanye West yateje urujijo muri Grammy Awards

Imyambarire y’umugore wa Kanye West yateje urujijo muri Grammy Awards

Umuhanzi Kanye West n’umugore we Bianca Censori ntibinjiye ahaberaga ibirori by’itangwa ry’ibihembo bya Grammy Awards 67 nyuma yo kunyura ku itapi itukura biteza urujijo.

Ni ibirori byabereye muri Crypto.com Arena akaba ari na byo bihembo bifatwa nk’ibya mbere ku Isi, dore ko umuntu wese ubihawe aba ari umwe mu bayoboye umuziki w’Isi.

Kanye West yatunguranye anyura ku itapi itukura ari kumwe n’umugore we Bianca Censori wari wambaye umwenda ugaragaza imyanya ye y’ibanga uko yakabaye, ibintu bikunze kunengwa mu birori bitandukanye aba bombi bakunze kugaragaramo.

Bianca Censori yari yambaye ikote rirerire ry’umukara ariko ageze ku itapi itukura arikuramo asigara yambaye akenda kerekana ibice bye byose by’umubiri haba ibyo hejuru cyangwa se hasi.

Nyuma yo kunyura ku itapi itukura, amakuru yatangiye gucaracara ko bagiye kwinjira ariko bagasubizwa inyuma kubera ko bari bitumiye kandi ibyo birori bikaba byitabirwa n’abahanzi batumiwe gusa.

Ikinyamakuru Variety cyo gitangaza ko kuba Kanye West na Bianca Censori bahise bafata inzira bakongera bagataha atari uko bangiwe kwinjira, ahubwo Kanye West yavuye kwifotoza ku itapi itukura hanyuma ahita akomereza mu modoka arongera aragenda.

Kanye West yitabiriye ibyo bihembo nyuma y’imyaka 10, kuko yabiherukagamo mu mwaka wa 2015, Akanaririmba indirimbo ye “FourFiveSeconds” yafatanyije n’umuhanzi Rihanna.

Kanye West yatunguranye anyura ku itapi itukura n’umugore we Bianca Censori wari wambaye umwenda umugaragaza uko yakabaye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27