Volleyball: Hagiye gukinwa Igikombe cy’Intwari

Volleyball: Hagiye gukinwa Igikombe cy’Intwari

Guhera ku wa Gatanu tariki ya 31 Mutarama 2025, mu mukino wa Volleyball hazatangira irushanwa ry’Igikombe cy’Intwari, aho biteganyijwe ko amakipe umunani mu bagabo ndetse n’andi umunani mu bagore ari yo azitabira.

Iyi mikino y’igikombe cy’intwari mu mukino wa Vollleyball yateguwe n’ishyirahamwe ry’uyu mukino mu Rwanda ku bufatanye bw’Urwego rw’Igihugu rushinzwe Intwari, Imidali n’Impeta by’Ishimwe (CHENO).

Mu makipe azakina iri rushanwa mu bagabo ni Police VC, Kigali VC, RP Ngoma VC, APR VC, Gisagara VC, REG VC, Kepler VC ndetse na East African University VC.

Mu bagore hazahatana Police WVC, RP Huye WVC, RRA WVC, APR WVC, Ruhango WVC, Kepler WVC ndetse na Wisdom WVC.

Biteganyijwe ko imikino y’amajonjora mu bagabo izakinwa ku wa Gatanu, iy’abagore ku wa Gatandatu, mu gihe iya ½ n’iya nyuma izakinwa ku Cyumweru tariki 2 Gashyantare 2025.

Umunsi w’Intwari z’Igihugu uzizihizwa ku nshuro ya 31 ku wa Gatandatu tariki ya 1 Gashyantare 2025, ufite insanganyamatsiko igira iti “Ubutwari n’Ubumwe bw’Abanyarwanda, inkingi z’iterambere.

Amakipe y’abagore azatangira gukina ku wa Gatandatu
Amakipe umunani y’abagabo ni yo azakina igikombe cy’Intwari
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27