Kayonza: Barashima Perezida Kagame wabahaye agakiriro

Kayonza: Barashima Perezida Kagame wabahaye agakiriro

Abaturage bo mu Karere ka Kayonza mu Murenge wa Kabare mu Kagari ka Cyarubare, barashima Perezida Kagame Paul wabahaye  agakiriro, bakaba bizeye kwiteza imbere.

Umuyobozi w’Akarere ka Kayonza, John Bosco Nyemazi yatashye ku mugaragaro agakiriro ka Cyarubare mu Murenge wa Kabare ku wa Kane taliki ya 19 Gicurasi 2022.

Abaturage barashima kuba barahawe aka gakiriro, bakavuga ko mbere batabonaga abakiliya kuko batari bazi aho babashakira, bavuze kandi ko batabonaga n’umuriro w’amashanyarazi n’ibindi bikorwa remezo. Bakaba bashima Umukuru w’Igihugu wabahaye agakiriro kazabafasha kwiteza imbere.

Umwe muri bo yagize ati: Turashima Nyakubahwa Perezida Kagame Paul waduhaye aka gakiriro, tubonye aho gukorera ndetse n’umuriro w’ amashanyarazi urahari n’ibindi bikorwa remezo bizadufasha kwiteza imbere”.

Aka gakiriro ni umwe mu mihigo 105 ako Karere kahize mu mwaka 2021-2022. Muri aka gakiriro hakorerwamo imirimo y’ubudozi, gusudira no kubaza.

Meya Nyemazi yavuze ko aka gakiriro kaje kuzamura imibereho myiza n’ubukungu by’abaturage.

Yabasabye gukoresha neza aya mahirwe ndetse asaba n’abandi bafite ubumenyi mu bikorerwa muri aka gakiriro kuhagana kugira ngo biteze imbere.

Ati: “Mukoreshe neza aya mahirwe mubonye, aka gakiriro kaje kuzamura imibereho yanyu abaturage, muzagakoreramo, muzabonamo imirimo ibazamura mwiteze imbere”.

Yibukije kandi ko agakiriro ka Cyarubare ari amahirwe ku rubyiruko rwiga mu mashuri y’imyuga n’ubumenyingiro kuko bazajya bahakorera.

Yagize ati: “By’umwihariko ku rubyiruko rwiga imyuga n’ubumenyingiro, aka gakiriro kazabafasha kujya muhakorera imenyerezamwuga (stage).”

Nyuma yo gutaha agakiriro, Meya yaganiriye n’Abaturage bo mu Kagari ka Cyarubare, yakira ibitekerezo n’ibibazo byabo abiha umurongo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27