Amagare: Minisitiri wa Siporo yabonanye na Perezida wa CAC uri mu Rwanda

Amagare: Minisitiri wa Siporo yabonanye na Perezida wa CAC uri mu Rwanda

Kuri uyu wa Mbere tariki 13 Mutarama 2025, Minisitiri wa Siporo Nelly Mukazayire ari kumwe n’Umunyamabanga wa Leta muri iyo Minisiteri Rwego Ngarambe, bakiriye Perezida w’Impuzamashyirahamwe y’Umukino w’Amagare muri Afurika (CAC), Dr. Wagih Azzam na Noha Soliman ushinzwe imibanire mpuzamahanga bari mu Rwanda mu ruzinduko rw’iminsi ine.

Dr. Wagih Azzam na Noha Soliman ari mu Rwanda kuva ku wa Gatandatu tariki 11 Mutarama 2025, aho bakiriwe na Perezida w’Ishyirahamwe Nyarwanda ry’Umukino w’Amagare (FERWACY), Ndayishimiye Samson na Visi Perezida wa kabiri w’iri Shyirahamwe, Kayirebwa Liliane.

Aba bayobozi bari mu Rwanda mu ruzinduko rugamije kureba aho u Rwanda rugeze imyiteguro yo kwakira Shampiyona y’Isi y’Amagare izabera i Kigali tariki 21-28 Nzeri uyu mwaka.

Muri uru ruzindo rwa Perezida wa CAC azatemberezwa mu mihanda izakoreshwa muri Shampiyona y’Isi y’Amagare mbere y’uko asoza urugendo rwe mu Rwanda ku wa Kabiri.

Muri Nzeri, u Rwanda ruzaba igihugu cya mbere cya Afurika kizakira iri rushanwa rizaba ku nshuro ya 98.

Minisitiri wa Siporo Nelly Mukazayire yakiriye Perezida wa Dr. Wagih Azzam uyobora CAC
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27