Croatia: Amatora ya Perezida ashobora gusiga uwari uriho yongejwe manda

Croatia: Amatora ya Perezida ashobora gusiga uwari uriho yongejwe manda

Kuri uyu wa 12 Mutarama 2025, Abanya- Croatia bazindukiye mu matora y’Umukuru w’Igihugu aho byitezwe ko uwari usanzwe ari Perezida Zoran Milanovic ashobora kongera gutorerwa kuyobora.

Ibiro by’itora byafunguye saa moya za mu gitondo bifunga saa kumi n’ebyiri z’umugoroba, bikaba biteganijwe ko nyuma yo kubarura haza gusohoka amajwi y’agateganyo y’ibyavuye mu matora.

Milanovic w’imyaka 58 yagiye yumvikana anenga inkunga ya gisirikare ibihugu by’i Burengerazuba biha igihugu cya Ukraine mu ntambara gihanganyemo n’u Burusiya, yabonye amajwi  49.1%  mu cyiciro cya mbere cyabaye mu byumweru bibiri bishize.

Iki kikaba ari icyiciro cya kabiri cy’amatora yinjiyemo ahanganyemo na  

Dragan Primorac w’imyaka 59 wagize amajwi 19.35% mu matora aheruka.

Milanovic, wahoze ari Minisitiri w’Intebe yayoboye Croatia mu 2020, yemeje ko ibikorwa by’u Burusiya  byo kugaba ibitero kuri Ukraine binyuranyije n’amategeko, ariko akanenga cyane ibihugu bikomeza kwenyegeza intambara.

Milanovic agaragara nk’ukomeje kwigarurira imitima ya benshi kubera uburyo atangamo ibitekerezo binoze kandi byumvikana  bihangana n’abatavuga rumwe nawe.

Umurwa mukuru wa Croatia ni  Zagreb, kikaba ari  igihugu kibarurwa ko gituwe n’abaturage bangana na miliyoni 8.853.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27