Gisagara: Ababyeyi batunguwe n’uburyo abana bahita batangira amasomo

Gisagara: Ababyeyi batunguwe n’uburyo abana bahita batangira amasomo

Bamwe mu babyeyi bo mu Karere ka Gisagara, bavuga ko imyigire mu Rwanda, yahindutse kuko batunguwe n’uburyo abana bageze ku mashuri bagahita batangira amasomo, mu gihe hambere hashoboraga no gushira icyumweru amasomo ataratangira.

Umwe mu babyeyi wajyanye umwana ku ishuri muri ako Karere, avuga ko yatunguwe no kugeza umwana ku ishuri agasanga amasomo yatangiye.

Ati: “Jyewe umwana wanjye namuvanye mu rugo tugera ku kigo mu ma saa tanu, ariko natunguwe ndetse nshimishwa n’uburyo nasanze abanyeshuri batangiye kwiga batagitegereza icyumweru nk’uko kera byajyaga bibaho aho  abanyeshuri bamara icyumweru batariga”.

Mugenzi we na we wageze ku ishuri ajyanye umwana, avuga ko ashimira ubuyobozi bwakosoye ikibazo cy’abanyeshuri bamaraga icyumweru batiga ntacyo bakora.

Ati: “Ndashimira ubuyobozi kuko natunguwe n’uburyo nageze ku ishuri mperekeje umwana, umuyobozi w’ushuri akambwire ngo sezera ku mwana ajye mu ishuri adacikwa n’isomo bari kwiga.”

Umuyobozi w’Akarere ka Gisagara wungirije ushinzwe imibereho myiza Dusabe Denise, avuga ko ababyeyi bakwiye guhindura imyumvire y’uko abanyeshuri bamara icyumweru bataratangira kwiga.

Ati: “Ni byo abana batangiye kwiga amasomo ararimbanyije, ahubwo ababyeyi bakwiye guhindura imyumvire yo kumva ko abanyeshuri badahita batangira kwiga, kuko ibyo bihe byararangiye”.

Akomeza avuga ko ubwitabire ku bigo by’amashuri buri ku kigero gishimishije, ari nabyo aheraho asaba ababyeyi batarohereza abana ku ishuri, kubohereza kuko uko batinda, ari nako amasomo abacika.

Minisiteri y’Uburezi itangaza ko ingengabihe y’igihembwe cya kabiri cyatangiye tariki ya 6 Mutarama 2025 kandi kizasozwa tariki ya 4 Mata 2025.

Ku minsi wa mbere w’ishuri, abanyeshuri bahita batangira amasomo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27