Robertinho utoza Rayon Sports yagarutse mu Rwanda (Amafoto)

Robertinho utoza Rayon Sports yagarutse mu Rwanda (Amafoto)

Umutoza wa Rayon Sports, Umunya-Brésil Roberto Oliveira Gonçalves do Carmo ’Robertinho yagarutse mu Rwanda nyuma yo kwivuza ikibazo cy’uburwayi bw’ijisho yari amaranye iminsi.

Mu rukerera rwo kuri uyu wa 4 Mutarama 2025 ni bwo uyu mutoza yagarutse mu Rwanda yakirwa n’abarimo Ngabo Robben ushizwe itumanaho muri iyo kipe ku kibuga cy’indenge Mpuzamahanga cya Kigali i Kanombe.

Yari amaze iminsi mu biruhuko by’iminsi mikuru isoza umwaka wa 2024 iwabo muri Brazil no kwivuza ijisho.

Umutoza wungirije w’Umunya-Tunisia Quanane Sellami ni we wasigaranye ikipe iherutse gutandukana n’uwari ushizwe kongerera imbaraga abakinyi Umunya Afurika y’Epfo Ayabonga Lebitsa wasimbuwe na Corneille Hategekimana wayiherukagamo mu 2018 begukana igikombe cya Shampiyona.

Robertinho yagarutse mu Rwanda aho kuri uyu wa Gatandatu aza gutoza umukino w’ikirarane w’umunsi wa 14 wa Shampiyona Rayon Sports yakiramo Police FC kuri Kigali Pele Stadium saa kumi n’ebyiri z’umugoroba.

Kugeza ubu Rayon Sports ni yo iyoboye shampiyona y’u Rwanda n’amanota 33 mu mikino 13 imaze gukina.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27