Byiringiro Lague yatandukanye na Sandvikens IF

Byiringiro Lague yatandukanye na Sandvikens IF

Rutahizamu w’Ikipe y’Igihugu ‘Amavubi’, Byiringiro Lague wakiniraga Sandvikens IF yo mu cyiciro cya kabiri muri Suède yatandukanye nayo nyuma yo gusesa amasezerano bari bafitanye.

Mu gitondo cyo kuri uyu wa Gatanu tariki 3 Mutarama ni bwo iyi kipe yabitangaje ibinyujije ku mbuga nkoranyambaga zayo.

Sandvikens IF yavuze ko yatandukanye n’uyu mukinnyi ukina anyura ku mpande ku bwumvikane bw’impande zombi baseshe amasezerano.

Iyi kipe yamushimiye ku gihe yari amaze muri iyi kipe ndetse inamwifuruza amahirwe masa mu gihe kizaza.

Byiringiro Lague yari muri iyi kipe kuva muri Mutarama 2023 aho yari yarayisanze iri muri shampiyona y’icyiciro cya gatatu muri Suède.

Muri iyi kipe asizemo undi Munyarwanda yari yaranasanzemo ari we Mukunzi Yannick uheruka no kongera amasezerano nyuma y’uko yari yaranagize ikibazo cy’imvune.

Byiringiro yatangiye gukina ruhago ahereye muri Vision FC, nyuma yerekeza mu Intare FC, mu 2018 azamurwa muri APR FC yitwaramo neza bituma aza kubengukwa na Sandkvens IF.

Byiringiro Lague yatandukanye na Sandvikens IF yo muri Suwede
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27