Kenya: Basoje umwaka baninjira mu wundi bigaragambya

Kenya: Basoje umwaka baninjira mu wundi bigaragambya

Kuri uyu wa Kabiri abaturage bazindukiye mu mihanda y’umurwa mukuru wa Kenya, Nairobi, barigaragambya bashinja Leta kwica abaturage, kubafunga mu buryo bunyuranyije n’amategeko no kubashimuta.

Imyigagarambyo yatangiye ejo ku wa Mbere yashimutiwemo abayobozi barimo n’abasenateri aho abaturage bongeye kuzinduka bigaragambya basaba ko abo bafashwe barekurwa.

Senateri, Okiya Omtatah, ejo ku wa Mbere yifatanyije n’abigaragambya bigabiza imihanda ya Nairobi bayicaramo baririmba indirimbo zamagana Leta banasaba Polisi kurekura abantu barindwi bafunzwe muri uku kwezi.

Polisi yateye ibyuka biryana mu maso mu bigaragambya, Senateri Okiya n’abandi bari kumwe barafatwa barafungwa.

Ikinyamakuru Daily Nation cyatangaje ko Komisiyo y’Igihugu y’Uburenganzira bwa Muntu mu cyumweru gishize yagaragaje impungenge ku mibare y’abafashwe mu buryo bunyuranyije n’amategeko bashinjwa kwamagana ubutegetsi.

Mu cyumweru gishize Perezida William Ruto yavuze ko leta izahagarika ibikorwa byo gufata abantu mu buryo bunyuranyije n’amategeko kugira ngo urubyiruko rubeho mu mahoro.

Senateri Omtatah ejo ku wa Mbere yatanze ikirego mu Rukiko Rukuru rwa Nairobi asaba ko Leta yarekura abantu 7 bafashwe na Polisi mu buryo bunyuranyije n’amategeko.

Abakoresha imbuga nkoranyambaga bane na bo  barabuze nyuma yo gukwirakwiza amashusho  ya Perezida Ruto, aho byavuzwe ko yangisha abantu ubutegetsi.

Komisiyo y’Uburenganzira bwa muntu yavuze ko Kenya ishobora gusubira mu bihe by’umwijima bitewe n’ibihe bigoye by’imyigaragambyo abaturage bari kunyuramo, bamagana igiciro cy’ubuzima gihenze, imisoro iri hejuru, ibura ry’akazi n’ibindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27