Liverpool yageze muri 1/8: Uko imikino ya UEFA Champions yagenze

Liverpool yageze muri 1/8: Uko imikino ya UEFA Champions yagenze

Liverpool yatsinze Girona igitego 1-0 naho Real Madrid yongera kubona intsinzi nyuma gutsinda Atalanta ibitego 3-2. 

Iyi mikino y’umunsi wa Gatandatu yakinwe mu ijoro ryo ku wa Kabiri tariki 10 Ukuboza 2024. 

Real Madrid yo muri Espagne yakiriwe na Atalanta ndetse inatangira neza umukino kuko ku munota wa 12 yari yamaze kubona igitego cyinjijwe na Kylian Mbappé, ariko wongeye kugira imvune itatumye asoza igice cya mbere.

Nyuma yo gusatira cyane no kubyaza umusaruro abafana bari ku kibuga cyayo, Atalanta yabonye penaliti mu mpera z’igice cya mbere yinjizwa neza na Charles De Ketelaere.

Aya makipe yombi yagiye mu karuhuko anganya igitego 1-1, ariko mu gice cya kabiri, Vinícius Junior na Jude Bellingham bongera kwerekana umwihariko wabo batsinda ibindi bitego ku munota wa 56 n’uwa 59.

Ibi ntibyabujije Atalanta gukomeza gusatira kuko Ademola Lookman yashyizemo ikindi ku munota wa 65, umukino ukarangira ari ibitego 3-2.

Uyu mukino wasize Mbappé abaye umukinnyi wa kabiri ukiri muto wujuje ibitego 50 muri UEFA Champions League ku myaka 25, agakurikira Lionel Messi wabikoze afite 24 mu 2012.

İndi mikino yabaye, Liverpool yageze muri 1/8 nyuma yo gutsinda Girona igitego 1-0 cya Mohamed Salah wujuje igitego cye cya 50 muri iri rushanwa.

Bayern Munich yanyagiyemo Shakhtar Donetsk ibitego 5-1. Ibitego by’iyi kipe yo mu Budage byinjijwe na Konrad Laimer, Thomas Müller, Michael Olise winjije bibiri na Musiala Jamal.

Paris Saint Germain yatsınze RB Salzburg ibitego 3-0, Bayer Leverkusen yatsinze Inter Milan igitego 1-0, Brest yatsinze PSV igitego 1-0, Club Brugge KV yatsinze Sporting CP ibitego 2-1, RB Leipzig yatsinzwe Aston Villa ibitego 3-2 naho GNK Dinamo Zagreb yanganyije 0-0 na Celtic.

Mohamed Salah yujuje ibitego 50 muri UEFA Champions League
Real Madrid yongeye kubona itsinzi muri UEFA Champions League
Kylian Mbappé yabaye umukinnyi ukuri muto utsinze ibitego 50 nyuma ya Lionel Messi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27