Rusizi: Umukecuru warokotse Jenoside yatewe n’abagizi ba nabi

Rusizi: Umukecuru warokotse Jenoside yatewe n’abagizi ba nabi

Mukantagara Pélagie w’imyaka 74 wo mu Kagari ka Shagasha mu Murenge wa Gihundwe, Akarere ka Rusizi, ahagana saa tanu z’amanywa kuri uyu wa Gatatu tariki 27 Ugushyingo 2024, yatewe n’abagizi ba nabi bamubwira ko baje kurangiza umugambi wa Jenoside.

Amakuru atangwa na bamwe mu baturanyi ba Mukantagara warokotse Jenoside yakorewe Abatutsi, avuga ko bamutabaye yagizwe intere agahita yihutishirizwa kwa muganga.

Mukangango Sophie watabaye uwo mukecuru Mukantagara, ahamya ko yakubiswe bikomeye mu mutwe no mu maso.

Yagize ati: “Numvise atatse nzamuka nirukanka duhurira ku irembo turamwicaza atwereka uko bari bamaze kumugira.”

Aya makuru kandi yahamijwe n’Inzego z’ibanze mu Karere ka Rusizi zivuga ko kugeza ubu hataramenyekana abihishe inyuma y’iki gikorwa cy’ubugizi bwa nabi.

Habimana Alfred, Umuyobozi w’agateganyo w’Akarere ka Rusizi, yagize ati: “Ni ikibazo twahagurukiye nk’inzego. Ibikorwa nk’ibyo by’ihohoterwa iyo bikorewe uwarokotse Jenoside biba biganisha ku ngengabitekerezo yayo, ni cyo rero turi gukurikirana tukareba kugira ngo dushakishe ababikoze.”

Kugeza ubu Polisi mu Ntara y’Iburengerazuba ntacyo iratangaza kuri iki gikorwa cy’ubugizi bwa nabi, gusa hatangiye iperereza ku baba babwihishe inyuma.

Sangiza abandi iyi nkuru
Ibitekerezo 1
lg

Saa 5 zamanywa!! erega ntimuzibeshye ngo abicanyi barakijijwe

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27