Sheebah Karungi yabyaye umwana w’umuhungu

Sheebah Karungi yabyaye umwana w’umuhungu

Umuhanzi wo muri Uganda Sheebah Karungi yabyaye umwana w’imfura w’umuhungu.

Ni inkuru yasakaye mu bitangazamakuru byo muri Uganda kuri uyu wa Mbere tariki 25 Ugushyingo 2024, bitangajwe ni inshuti ye ya hafi.

Inshuti magara ya Sheebah Karungi, Roden Y Kabako, yifashishije imbuga nkoranyambaga ze yashimiye Sheebah Karungi ku bwo kuba yabyaye umwana w’umuhungu anatangaza izina umwana yiswe.

Yanditse ati: “Nishimiye kuba Sheeba yungutse umwana w’umuhungu (Baby Armil)”

Sheebah Karungi yakunze gutangaza mu biganiro bye bitandukanye ko yifuza kuzabyara ariko atifuza kubana n’umugabo kuko yumva bitamurimo.

Ibi bibaye nyuma y’uko hashize iminsi mike bivugwa ko Sheebah yagiye muri Canada, nyuma y’igitaramo yari yagiriye muri Lugogo Cricket Oval kitabiriwe n’abatari bake kuko yari yatangaje ko ari igitaramo akoze ngo ashimire abakunzi be ku ruhare bagize mu gutera imbere kwe babinyujije mu gukunda ibihangano bye.

Ku itariki 17 Nzeri 2024, Sheebah yari yatangaje ko ateganya gukora umuziki mu buryo butandukanye n’uko yari asanzwe awukora kubera ko yateganyaga kuwufatamo ikiruhuko akita ku bijyanye n’ubucuruzi n’inshingano zindi.

Sheebah Karungi yabyaye umwana w’umuhungu
Sangiza abandi iyi nkuru
Ibitekerezo 1
Nizeyimana lldephonse

Shaka indirimbo za sheebah karungi

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27