Perezida Kagame yazamuye mu ntera abapolisi 4,592

Perezida Kagame yazamuye mu ntera abapolisi 4,592

Perezida wa Repubulika akaba n’Umugaba w’Ikirenga w’Inzego z’umutekano z’u Rwanda Paul Kagame, yazamuye mu ntera abapolisi 4,592 bo mu byiciro bitandukanye, mu gihe hari n’abandi 481 birukanywe burundu muri Polisi y’u Rwanda bazira imyitwarire mibi.

Kuzamurwa mu ntera byatangajwe kuri uyu wa Kane  tariki ya 27 Mutarama 2022, mu bazamuwe harimo abapolisi bane bazamuwe mu ntera bava ku ipeti rya Chief Superintendent of Police (CSP) bajya mu cyiciro cy’abakomiseri ku ipeti rya Assistant Commissioner of Police (ACP).

Abo ni ACP Sam Bugingo, Umuyobozi w’ishami rishinzwe kurinda abanyacyubahiro (VIP), ACP Aloys Munana Burora, Umuyobozi ushinzwe kugenzura ibinyabiziga, ACP  Edmond Kalisa, Umuyobozi wa Polisi mu Ntara y’Iburengerazuba (RPC)  na ACP Rutagarama Kanyamihigo, Umuyobozi w’itsinda ry’abapolisi bari mu butumwa bw’umuryango w’abibumbye bwo kubungabunga amahoro mu gihugu cya Repubulika ya Central Africa, itsinda rishinzwe kurinda abanyacyubahiro batandukanye muri icyo gihugu(PSU).  

Abandi bapolisi batatu bazamuwe ku ipeti rya Chief Superintendent of Police (CSP) bavuye  ku ipeti rya Senior Superintendent of Police (SSP), Babiri bazamuwe ku ipeti rya Senior Superintendent of Police (SSP) bavuye ku ipeti rya Superintendent of Police (SP) naho ba ofisiye 100 bazamurwa ku ipeti rya Superintendent of Police (SP) bavuye ku ipeti rya Chief Inspector of Police (CIP).

Abandi bapolisi 266 bazamuwe mu ntera bajya ku ipeti rya Chief Inspector of Police (CIP) bavuye ku ipeti rya Inspector of Police (IP) naho abapolisi 638 bazamurwa mu ntera bajya ku ipeti rya  Inspector of Police (IP) bavuye ku ipeti rya Assistant Inspector of Police (AIP).

Abapolisi  56 bari ku ipeti rya Senior Sergeant (S/SGT),bahawe ipeti rya Chief Sergeant (C/SGT), abapolisi 355 bavuye ku ipeti rya  Sergeant (SGT) bahabwa ipeti rya Senior Sergeant (S/SGT), abapolisi  928 bavuye ku ipeti rya Corporal  (CPL) bajya ku ipeti rya Sergeant (SGT) naho abapolisi  2,240 bazamuwe mu ntera bava mu bapolisi bato bajya ku ipeti rya  Corporal (CPL).

Mu Nama y’Abaminisitiri yateranye kuri uyu wa Gatatu tariki ya 26 Mutarama, hemejwe ko abapolisi 481 bo mu mapeti atandukanye  basezererwa muri Polisi y’u Rwanda kubera imyitwarire mibi harimo ikinyabupfura gicye,ruswa n’ibindi byaha.

Umuvugizi wa Polisi y’u Rwanda Commissioner of Police (CP) John Bosco Kabera yavuze ko Polisi y’u Rwanda ishimira abapolisi bose bazamuwe mu ntera.

Yakomeje avuga ko gukora kinyamwuga no kugira ikinyabupfura ari zimwe mu ndangagaciro za Polisi y’u Rwanda ndetse ko Polisi y’u Rwanda izakomeza kutihanganira abarya ruswa.

RNP

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27