Koreya ya Ruguru muri Guma mu rugo kubera umwe wanduye COVID-19

Koreya ya Ruguru muri Guma mu rugo kubera umwe wanduye COVID-19

Muri Koreya ya Ruguru, mu Mujyi wa   Pyongyang habonetse umuntu umwe wanduye COVID-19 bituma  hashyirwaho gahunda ya Guma mu rugo mu gihugu hose. Gusa uyu mujyi wari umaze iminsi ibiri usa nk’uwatangiye iyi gahunda.

Perezida wa Koreya ya Ruguru Kim Jong Un  yasabye abayobozi b’imijyi n’abo mu tundi duce dutandukanye kugenda bashyira muri Guma mu rugo aho bayoboye kandi bagashyiraho uburyo bwo gukora  imirimo ibyara inyungu butuma icyorezo  kidakwirakwira dore ko habonetse virusi yihinduranyije ya Omicron yandura vuba.

Kuva iki cyorezo cyaduka ku Isi mu mpera za 2019, ni ubwa mbere muri iki gihugu habonetse uwanduye.

Gusa ibinyamakuru bitandukanye mpuzamahanga byagaragaje  ko  kuba hatangajwe ko habonetse umurwayi wa  COVID-19, Igihugu gishobora kuba gisumbirijwe kuko  hagiye  hanugwanugwa ko gihisha ko hari abanduye.

Koreya ya Ruguru ntiyigeze yemera inkingo yahawe n’Ishami ry’Umuryango w’Abibumbye ryita ku Buzima (OMS) ndetse n’izo mu Bushinwa n’u Burusiya aho yavugaga ko ifite uburyo buhamye bwo gukumira iriya virusi ku butaka bwayo burimo ubwo gufunga imipaka. 

Mu baturage batuye iki gihugu bagera kuri miliyoni 25 nta n’umwe wakingiwe COVID-19.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27