Pep Guardiola yongereye amasezerano muri Manchester City

Pep Guardiola yongereye amasezerano muri Manchester City

Manchester City yemeje ko Umutoza wayo, Pep Guardiola, yongereye amasezerano y’imyaka ibiri yo gutoza iyi kipe azamugeza mu mpeshyi ya 2027.

İyi kipe yabitangaje ku mugoroba wo kuri uyu wa Kane tariki 21 Ugushyingo 2024 ibinyujije ku mbuga nkoranyambaga zayo.

Aganira n’urubuga rw’iyi kipe Pep Guardiola yavuze ko yishimiye kongera amasezerano.

Atı: “Mfite ibyiyumviro bidasanzwe rwose kuri Man City uyu ni umwaka wa cyenda ndi hano. Ni yo mpamvu nishimiye cyane kuhaguma indi myaka ibiri.

Ndashimira buri wese wakomeje kunyizera no kuntera inkunga.

Reka Twizere ko dushobora kongera umubare w’ibikombe byinshi ku byo tumaze gutwara.”

Guardiola yongereye amasezerano nyuma y’amakuru yavugwaga ko atazakomezanya na yo ubwo amasezerano azaba arangiye mu mpera z’uyu mwaka w’imikino wa 2024-2025.

Pep Guardiola w’imyaka 53 yageze muri Manchester City mu mpeshyi ya 2016 avuye muri Bayern Munich yo mu Budage amaze kwegukana ibikombe 18 birimo bitandatu bya shampiyona.

Guardiola yafashije Man City kuba ikipe ya kabiri mu Bwongereza yegukanye ibikombe bitatu mu mwaka umwe w’imikino birimo Premier League, FA Cup and Champions League nyuma ya Manchester United yabikoze mu mwaka w’imikino (1998-1999).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27