Koreya y’Epfo: Abantu babiri bapfuye 12 baburirwa irengero mu mpanuka y’ubwato

Koreya y’Epfo: Abantu babiri bapfuye 12 baburirwa irengero mu mpanuka y’ubwato

Abantu babiri bapfuye abandi 12 baburirwa irengero mu mpanuka y’ubwato bwarohamye i Jeju, bukubutse ku cyambu cya Seogwipo nkuko byatangajwe n’ubuyobozi kuri uyu wa Gatanu.

Perezida wa Koreya y’Epfo, Yoon Suk-yeol, yategetse ko bakora ibishoboka byose birimo gukoresha ibikoresho bikomeye n’abakozi kugira ngo ababuze bose baboneke.

Abashinzwe umutekano ku cyambu cya Seogwipo batangaje ko aba bantu bapfuye abandi bakaburirwa irengero nyuma yuko ubwato bw’uburobyi burohamye kubera uburemere.

Abayobozi batangaje ko bwari butwaye Abanyakoreya y’Epfo 16 n’abanyamahanga 11, ariko abandi babiri muri bo bakaba bataramenyekana.

Ubuyobozi buvuga ko ubwo bwato bwarohamye mu buryo butunguranye bituma abantu barohama ndetse n’abandi ntibahita babona ubutabazi bwihuse.

Ibiro bya Perezida wa Koreya y’Epfo, byatangaje ko Perezida Yoon Suk-yeol, yategetse abakozi ko hagomba gukorwa ibishoboka byose mpaka abarohamye babonetse.

Nyuma yaho hoherejwe amato 11, indege icyenda, abakora mu nzego z’ubutabazi, abapolisi n’abasirikare, hamwe n’amato 13 asanzwe byoherejwe ngo harebwe niba abarohamye baboneka bose.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27