NESA yatangaje igihe amanota y’abarangije ayisumbuye azatangarizwa

NESA yatangaje igihe amanota y’abarangije ayisumbuye azatangarizwa

Ikigo cy’Igihugu gishinzwe ibizami n’Ubugenzuzi bw’amashuri (NESA) cyatangaje ko amanota y’ibizamini bya Leta bisoza amashuri yisumbuye y’umwaka w’amashuri wa 2023/2024, azatangazwa ku wa 15 Ugushyingo 2024.

 Ayo manota ni ay’abanyeshuri bakoze ibizami guhera ku wa 23 Nyakanga kugeza ku wa 02 Kanama 2024, bigakorerwa kuri site z’amashuri zitandukanye hirya no hino mu gihugu.

Abanyeshuri 56 537 ni bo bakoze ibizamini bisoza amashuri yisumbuye, barimo 23 651 b’abahungu na 32 886 b’abakobwa, baturukaga mu bigo by’amashuri 857.

Abanyeshuri bakoze bigaga imyuga n’ubumenyi ngiro bari 30 922, barimo abahungu 16 842 n’abakobwa 14 080, baturukaga mu bigo by’amashuri 331, bakoreye kuri site z’ibizamini 201.

Abo mu mashuri nderabarezi (TTC) bakoze ibizamini bisoza umwaka bari 4068, barimo abahungu 1798 n’abakobwa 2270 baturukaga mu bigo by’amashuri 16.

Abigaga amasomo ajyanye n’Ubuforomo mu mashuri yisumbuye (Associate Nursing Program, ANP) bakoze ibizamini bari 203 barimo abahungu 114 n’abakobwa 89 baturukaga mu bigo birindwi iyo gahunda yatangirijwemo.

Abanyeshuri bakoze ibizamini bisoza umwaka w’amashuri wa 2023/2024 biyongereyeho 23 078 ugereranyije n’umwaka w’amashuri wabanje kuko abari bakoze bari 212 494.

Sangiza abandi iyi nkuru
Ibitekerezo 7
Habiyaremye Jean Pierre

Murakoze abanyeshuri imibare yabo harimo nabiga bataha? Kwiyotariki azaza sangahe kuyareba wakoresha iyihe mibare

Iradukunda Aline

Amanita yabanyeshuri agiye gusohoka abanyeshuri mwitegure amanita yanyu

Anonymous

Nubuhe buryo umuntu yazakoresha ayareba murakoze

Irasubiza Soviette

Nubuhe buryo umuntu yazakoresha ayareba murakoze

TUYIZERE Divine

Murakoze kubwamakuru yanyu yizewe mudahwema kutugezaho.

Kwizera Patrick

Ese mwadusobanurira uburyo turebamo amanota

Epaphrase

Mwatubwiye link umuntu yakoresha kugira ngo arebe amanota yiwe

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27