Urukiko rw’i Paris ruratangira kuburanisha Hategekimana ukurikiranyweho ibyaha bya Jenoside

Urukiko rw’i Paris ruratangira kuburanisha Hategekimana ukurikiranyweho ibyaha bya Jenoside

Ku gicamunsi cyo kuri uyu wa Mbere tariki 04 Ugushyingo 2024, urukiko rwa Rubanda rw’i Paris mu Bufaransa, ruratangira kuburanisha mu bujurire Philippe Hategekimana.

Uyu Hategekimana w’imyaka 67 yari yarahanishijwe gufungwa burundu kubera uruhare yagize muri Jenoside yakorewe Abatutsi mu 1994.

Muri Kamena 2023, ni bwo Urugereko rw’Iremezo rw’Urukiko rwa Rubanda mu Bufaransa rwemeje ko Hategekimana yagize uruhare rukomeye mu kurimbura Abatutsi by’umwihariko i Nyanza no mu bindi bice by’Intara y’Amajyepfo aho yakoreraga nk’Umujandarume ufite ipeti rya ‘Adjudant-Chef’ mu gihe cya Jenoside yakorewe Abatutsi.

Urukiko rw’i Paris mu Bufaransa, mu kwezi kwa Kamena 2023, rwahamije ibyaha bya Jenoside n’ibyaha byibasiye inyoko-muntu Hategekimana wahoze ari umujandarume, ruhita rumukatira gufungwa burundu.

Hategekimana yahungiye mu Bufaransa nyuma ya Jenoside yakorewe Abatutsi mu 1994, abona ibyangombwa nk’impunzi ndetse mu 2005 ahabwa ubwenegihugu akoresheje izina rya Philippe Manier.

Hategekimana yigeze gukora akazi ko gucunga umutekano kuri kaminuza yo mu Bufaransa, nyuma ahungira muri Cameroun mu 2017 amaze kumenya ko yashyiriweho ikirego.

Yatawe muri yombi mu murwa mukuru Yaoundé muri Cameroun mu 2018, asubizwa mu Bufaransa ari naho agiye kuburanishirizwa. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27