Imbere y’Urukiko Fatakumavuta yavuze ko atiteguye kuburana

Imbere y’Urukiko Fatakumavuta yavuze ko atiteguye kuburana

Ubwo yari imbere y’Urukiko rw’Ibanze rwa Kicukiro Sengabo Jean Bosco wamenyekanye nka ‘Fatakumavuta’ yavuze ko atiteguye kuburana kuko batabonye dosiye ngo bihuze n’urubanza.

Umwunganizi we mu mategeko nawe yavuze ko batiteguye kuburana cyane ko batabonye dosiye ngo bihuze n’urubanza, basaba ko urubanza rwasubikwa bakiga dosiye bakazagaruka ku wa Mbere w’icyumweru gitaha biteguye kuburana, cyane ko ibyaha umukiliya we ashinjwa byagiye bihinduka.

Ubushinjacyaha bwavuze ko izo zitaba impamvu zifatika zatuma Sengabo yanga kuburana ko ahubwo bakwihuza na dosiye bakaburana nyuma y’abandi.

Nyuma yo kumva impande zombi Urukiko rwanzuye ko urubanza rwa Fatakumavuta ruzasubukurwa ku wa Kabiri w’icyumweru gitaha.

Mu byaha Sengabo Jean Bosco ashinjwa harimo kunywa urumogi rurengeje ibipimo, ndetse ko iki cyaha cyahise cyiyongera ku bindi yari akurikiranyweho birimo gukoresha imvugo zishyamiranya abantu, kubuza abantu amahwemo no gutukana mu ruhame.

Fatakumavuta yafunzwe tariki 18 Ukwakira 2024 nyuma yuko Urwego rw’Igihugu rw’Ubugenzacyaha buvuze ko bwamwihanangirije inshuro nyinshi ndetse agirwa inama ariko agahitamo kwinangira.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27