Dosiye ya Fatakumavuta yashyikirijwe Ubushinjacyaha

Dosiye ya Fatakumavuta yashyikirijwe Ubushinjacyaha

Urwego rw’Ubugenzacyaha (RIB) rwatangaje ko dosiye ya Sengabo Jean Bosco uzwi ku izina rya Fatakumavuta yashyikirijwe Ubushinjacyaha.

Umuvugizi w’Urwego rw’Ubugenzacyaha Dr. Murangira B. Thierry, yatangarije Imvaho Nshya ko iyo dosiye yashyikirijwe ubushinjacyaha ku wa Gatatu tariki 23 Ukwakira 2024.

Mu minsi mike ishize ni bwo byatangajwe ko iperereza ry’ibanze ryagaragaje ko mu byaha Sengabo Jean Bosco akekwaho harimo gukoresha ibiyobyabwenge, gukangisha gusebanya, no kubuza amahwemo abandi yifashishije imbuga nkoranyambaga.

Fatakumavuta asanzwe azwi cyane mu biganiro bitandukanye yanyuzaga ku murongo wa YouTube, akaba ari umwe mu banyamakuru bakurikirwa cyane kuri urwo rubuga mu ruhando rw’imyidagaduro.

Yatawe muri yombi tariki 18 Ukwakira 2024, RIB ikaba ikomeje kwihanangiriza abakoresha imbuga nkoranyambaga ibasaba kwirinda gukoresha ububasha zibaha bwo kugera ku bantu benshi bakora ibyaha.

RIB isaba by’umwihariko ababarizwa mu ruganda rw’imyidagaduro kwirinda gushimisha abafana babo bigize icyaha mu buryo ubwo ari bwo bwose.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27