Umunyarwanda yatorewe kuba Umujyanama wa Papa Francis

Umunyarwanda yatorewe kuba Umujyanama wa Papa Francis

Umunyarwanda Niyigena Jean-Paul, Umwarimu muri Kaminuza Gatolika y’u Rwanda no muri Kaminuza yo mu  Bubiligi, yatorewe na Papa Francis kuba umujyanama w’urwego rushinzwe uburezi Gatolika ku Isi (Congregation pour l’Education Catholique).Yatowe hamwe n’abandi 18 baturuka mu migabane itandukanye.

Niyigena Jean-Paul ni umukiristu wa Diyosezi Gatolika ya Kibungo, akaba avuka muri Paruwasi ya Zaza. Papa yamuhaye ubutumwa nk’umwe mu bagize itsinda ry’abantu 19 Kiliziya izajya yiyambaza kugira ngo irusheho gusohoza neza ubutumwa bwayo mu burezi itanga guhera mu mashuri y’inshuke kugeza muri za kaminuza gatolika. Ni we munyafurika rukumbi uri muri iryo tsinda Nyiburutungane Papa yahaye ubutumwa bushya.

Nk’uko byatangajwe na Diyosezi Gatolika ya Kibungo,  Niyigena yagiye atanga umuganda mu bushakashatsi ndetse n’amahugurwa ku barimu b’isomo ry’Iyobokamana muri Kiliziya y’u Rwanda, yafatanyije n’abashizwe imirimo itandukanye y’icyenurabushyo muri za Diyosezi zose mu Rwanda. Ni umwe mu bashinze Ihuriro mpuzamahanga rihuza Abepiskopi n’abashakashatsi kugira ngo bungurane ibitekerezo ku bibazo byugarije ubutumwa bwa Kiliziya.

Ririya arimo rishyizweho  nyuma y’aho Nyirubutungane Papa Francis  asabye Kiliziya n’abantu bo mu madini atandukanye kuvugurura mu maguru mashya uburezi buhabwa abakiri bato kugira ngo barusheho guhangana n’ibibazo by’ingutu byugarije isi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27