Clarisse Karasira yasabye abakunzi be kumuhitiramo indirimbo nshya yasohora

Clarisse Karasira yasabye abakunzi be kumuhitiramo indirimbo nshya yasohora

Umuhanzi mu njyana gakondo usigaye akorera umuziki muri Leta Zunze Ubumwe z’Amerika, Clarisse Karasira, yateguje abakunzi b’ibihangano bye indirimbo nshya zirenze imwe, abasaba kumuhitiramo iyo yabanza.

Yifashishije urubuga rwe rwa Instagram Clarisse Karasira yagaragarije abakunzi b’ibihangano bye ko abahishiye byinshi kandi ko abakumbuye.

Yanditse ati: “Bakundwa, muri izi ndirimbo ni iyihe mwumva yasohoka mbere? Icyimbo, Roho, Imbere, Ruhinyuz’Imana. Urukumbuzi rwo ni rwinshi, nimutahe.”

Aya mahitamo yahaye abamukurikira kandi bakunda ibihangano bye bayishimiye, maze bagenda bamugaragariza uko bifuza ko zasohoka abenshi bahuriza kuyo yise Roho.

Uwitwa rene _ official yagize ati: “Roho. Ngukunda byuzuye.”

Sylestrenshimiyimana Romeo yungamo ati: “Roho izindi zikurikire cyangwa uziduhere rimwe.”

Ni indirimbo agiye kuzashyira ahagaragara nyuma y’amezi arindwi iyo yise Ibarabara yibanda ku mibereho y’abana bo mu muhanda n’uburyo badakwiye guhutazwa isohotse.

Sangiza abandi iyi nkuru
Ibitekerezo 1
Umutoni Uwase Claudine

Roho

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27