Daniel Ngarukiye yazanye n’abana be mu Rwanda

Daniel Ngarukiye yazanye n’abana be mu Rwanda

Ku nshuro ya mbere umuhanzi uririmba injyana gakondo Ngarukiye Daniel yaje mu Rwanda azanye n’abana be.

Uyu muhanzi si bwo bwa mbere aje mu gihugu avukamo ariko ni bwo azanye n’umuryango we.

Abinyujije ku rubuga rwe rwa Instagram Ngarukiye yasangije abamukurikira amafoto, ayakurikiza amagambo agira ati: “Nimuze mbijyanire babakamire, babateteshe, maze mwirebere aho intore zihamiriza, mwirebere imisozi 1000.”

Yongeraho ati: “Perfection, mbizihire, inkumburwa bishimiye kuza kuguhobera bwa mbere Rwanda.” 

Daniel Ngarukiye aherutse guteguza indirimbo igaragaramo umukobwa we Perfection aho aba amuratira Igihugu avukamo, anamubwira ko nahagera bazamutaramira cyane, ni indirimbo yise Inkomoko idasaza.

Si ubwa mbere kandi yari agaragaje umukobwa we Perfection, kuko hari n’amashusho yigeze kugaragaza mu 2020 amwigisha Ikinyarwanda, aho yamwigishaga kubara ngo atazananirwa kuvugana n’Abanyarwanda.

Ngarukiye Daniel afite abana babiri b’abahungu n’umukobwa umwe, bose bakaba bazanye mu Rwanda hamwe na nyina ubabyara, aho aje kubereka umuryango, inshuti n’Igihugu avukamo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27